هتنزل النص.. ايه اللي هيحصل في سوق العقارات

 
 
العقار نوع مهم من أنواع الاستثمار الشخصي لكن زي اي سوق ممكن يغدر وتحصل فيه أزمات لو الأمور خرجت عن الطبيعي.. إيه اللي هيحصل في سوق العقارات وايه سر التحذير من الفقاعه العقارية.. قبل ما تشتري شوف الفيديو ده 
 

ناس كتير و مستثمرين اتجهوا لشراء العقارات في الفترة الأخيرة وتحديدا من ساعة هبوط سعر الجنيه بداية من 2023 ولغاية دلوقتي لسه الطلب عليه بيزيد ودا بهدف الاستثمار وحفظ قيمة الفلوس من هبوط أسعارها مقابل العملات التانية ومع زيادة الطلب على العقارات خبراء الاقتصاد والسوق حذروا من خطورة الإقبال الكبير على النوع دا من الاستثمارات في السنتين الجايين وحذروا من حاجة اسمها الفقاعة العقارية..

طيب في الأول إيه هي الفقاعة العقارية ؟
خبراء السوق ليعرفوا الفقاعة العقارية بأنها ابتعاد سعر العقار عن قيمته الحقيقية هنا لتتكون الفقاعة وان مصيرها للانفجار والخبراء شايفين بردوا  إن أسعار الوحدات العقارية الحالية، وخاصة الوحدات العقارية بالتقسيط، باتباع بفايدة كبيرة بتوصل الى 32% مرة واحدة ودي بداية تكون الفقاعة العقارية ومقدمة لانهيار الأسعار في السوق واللي قدروا حجم الهبوط للنص من التمن اللي اتباعت بيه في الأول او اللي الناس اشترت بيه.

الوحدات العقارية المباعة بالتقسيط دلوقتي ومع وصول المستهدف للدولة سنة 2026 إلى 16%، دا معناه إن عرض العقارات بعد سنتين بس هيوصل إلى نص القيمة الحالية يعني لما الدولة تحقق المستهدف في سوق العقارات فى 2026، وهو 16٪، دا بيقول إن بعد سنتين هتنهار  اسعار الوحدات المباعة 2024 للنص.

طيب ايه علاقة الفايدة بالفقاعة العقارية ؟
شوف الخبراء شايفين أنه مع الاتجاه لخفض أسعار الفايدة في البنوك الناس اللي اشترت عقارات بالتقسيط بفائدة عالية هتخسر فلوسها لما تيجي تبيعه بعدين ولما الناس كمان تشتري عقار بغرض الاستثمار بسعر اعلي في المشروعات الجديدة فدا بيعمل كرة ثلج ودا مصطلح اقتصادي معناه تضخم أسعار الوحدات ودي بردو مصيره الانهيار  زي مصير الفقاعة العقارية وإن حجم الانفجار بقدر حجم الانتظار ودا حصل فى بلاد كتيرة وآخرها الصين، وجنوب شرق آسيا قبلها وممكن يحصل في مصر.

الغرض من الفيديو ده اننا مش نخوفك من الاستثمار في العقار لكن بنقولك دا ممكن يحصل وتغامر بفلوسك لو انت هتشتري بهدف البيع بعدين عشان تكسب وفكر قبل ما تقرر وتابع حركة السوق والتوقعات لخبراء الاقتصاد والعقارات بعدها هتعرف تشتري انتى وتبيع امتى ولو انت خايف من العقار فيه استثمارات تانية مضمونة زي الاستثمار في الدهب والمشروعات الخاصة والبورصة وكل هدفنا نقولك الأسواق رايحة على فين.. وعشان تبقي عارف اي سوق زي ماقلنا بيعتمد في الأساس على العرض والطلب