حسن عبدالله كسب الرهان.. أزمة الدولار في طريقها للنسيان
يا ترى ايه اللى بيحصل فى البنك المركزي فى الشهور الأخيرة ؟وازاى حسن عبدالله محافظ البنك المركزي قدر يكسب الرهان فى ملف الدولار؟ وهل اللى بيحصل ده معناه ان مصر خلاص عبرت أزمة العملة؟
هنا فى بانكير وعبر منصاتنا المختلفة قولنا لحضراتكم من أول يوم لحسن عبدالله فى البنك المركزي ان الراجل دده مش جاى يهزر وانه عنده هدف وتكليف واضح من الرئيس السيسي مشهيتنازل عنه وهو حل أزمة نقص العملة والقضاء بشكل كامل على السوق السودا للدولار واعادة الثقة من جديد فى القطاع المصرفي ومنع تعدد سعر العملة الأمريكية
والحقيقة حسن عبدالله كان على قدر التوقعات وقدر بحنكة وذكاء وقدرة على التواصل مع كل الأطراف انه يحققانجازات مهمة فى وقت قصير.. وتقريبا كل الملفات الشائكة اللى كانت سايباها الاداراة السابقة ليه فى البنك المركزي قدر يفككها وعرف يقضي على معظم المشاكل المتعلقة بالعملة.
طب ايه اللى عملوا حسن عبدالله تحديدا يخلينا نقول كده ؟
بص يا سيدي خلينا نتكلم بالعقل والمنطق وكمان بلغة الأرقام وهنمسك ملف ملف نقولكحسن عبدالله عمل فيه ايه .. وأول ملف هوملف اعادة الثقة فى الجهاز المصرفيواقناع المصريين فى الخارج بتحويلفلوسهم على البنوك ووقفتسريبها للسوق السودا .. وتقدر تقول ان حسن عبدالله حقق امتيازفى النقطة دي
ووفقا لآخر أرقام للبنك المركزي فيه ارتفاع كبير حصل في تحويلات المصريين العاملين بالخارج وخلال شهر يوليو اللى فات بس التحويلات زادت بمعدل 86.8% لتسجل 3.0 مليار دولارمقابل نحو 1.6 مليار دولار خلال شهر يوليو 2023 في سابقة لم يشهدها شهر يوليو من قبل منذ بداية رصد بيان تدفقات تحويلات العاملين بالخارج.. وخد بالك الزيادة دي للشهر الخامس على التوالي
وقياسا بشهر يونيو واللي سجلت خلاله 2.6 مليار دولار التحويلات زادت بمعدل 15.9% وبكده سجلت تحويلات المصريين العاملين بالخارج خلال أول 7 شهور من 2024زيادة بمعدل 32.4% لتصل إلى نحو 15.5 مليار دولار (مقابل نحو 11.7 مليار دولار خلال ذات الفترة من العام السابق).
نروح بقا لملف مهم وهوملف الاحتياطي النقدي .. حسن عبدالله عمل فيه انجاز وريمونتادا تاريخية .. وفى آخر تقرير أعلن البنك المركزي ارتفاع الاحتياطي النقدي من العملات الأجنبية خلال شهر يوليو بنحو 108 مليون دولار ليصل إلى مستوى 46.597 مليار دولار، مقابل 46.489 مليار دولار في يونيو 2024.. وده مستوى موصلش ليه احتياطيمصرمن النقد أبدا
طب والسوق السودا أخبارها ايه مع حسن عبدالله ؟
أكيد حضراتكم ملاحظين خلاص السوق السودا بح.. انتهت وان شاء الله بلا رجعة.. خصوصا مع تحسن الموارد الدولارية وارتفاع النقد الأجنبي القادم الى مصر..ومفيشخلاص تانى مضاربة على العملة
كمان حسن عبدالله قدريوفر التمويلات اللازمة للافراج عن البضايع اللى كانت مكسة فى الموانىء وده ساهم فى انخفاضاسعار سلع كتيرة جدا
