لسه هتفكر.. لو عاوز تشتري دهب اجري على الصاغة دلوقتي
معاك سيولة زيادة وليه بتفكر تستثمرها فين .. هنقولك في التقرير ده تعمل ايه وبسرعة وقبل يوم 18 سبتمبر الجاي.. خليكم معانا للآخر وهتعرفوا التفاصيل
معروف إن الدهب من افضل أنواع الاستثمار الآمن والمربح في مصر والعالم دلوقتي ودا بعد القفزات في الأسعار وتوقعات استئناف زيادة الأسعار بعد قرار الفدرالي الأمريكي يوم 18 سبتمبر الجاي واللي متوقع خلاله خفض سعر الفايدة على الدولار وعشان كده دا أفضل وقت للاستثمار.
ليه بنقولك أن دا افضل وقت لشراء الدهب وتخزينه؟
عشان ببساطة أسعار الدهب ليها فترة بتنزل في السوق المحلية ووصل الهبوط لحوالي 70 جنيهً في جرام الدهب عيار 21، خلال اسبوع واحد ويتداول حاليا عند 3375 جنيها خلال اسبوع ودا نتيجة لهبوط الأسعار في السوق العالمية وعشان كده خبراء الصاغة بينصحوا الناس تشتري دهب دلوقتي لاستغلال انخفاض الاسعار وقبل الزيادة المتوقعة بعد قرار الفدرالي الأمريكي وطبعا بينصحوا بعدم البيع دلوقتي لأن الأسعار نزلت.
وعلى فكرة الدهب مش هيرفع بس عشان قرار الفدرالي الأمريكي لكن فيه أسباب تانية كتير بترجح حدوث قفزات كبيرة في أسعار الدهب زي استمرار الأحداث العالمية، والصراعات واتجاه البنوك المركزية العالمية لشراء الدهب كملاذ آمن ضد خفض بنك الاحتياطي الفيدرالي الأمريكي لسعر الفايدة لأن خفضها ببساطة يعني خسارة في احتياطيات البنوك دي وبالتالي بتعوضها بتكنيز الدهب واخر تقارير عالميه بتقول إن فيه عمليات شراء قوية من البنوك المركزية للمعدن الأصفر.
وقالت التقارير العالميه إن البنوك المركزية كثفت مشترياتها من الدهب بقوة في يوليو الماضي، على الرغم من ارتفاع الأسعار حيث تواصل البنوك المركزية التزامها المستمر منذ عدة أشهر بزيادة حيازتها من المعدن الأصفر.
وبحسب بيانات مجلس ادذهب العالمي، قفز صافي مشتريات البنوك المركزية إلى 37 طن في يوليو، بزيادة بنسبة 206 بالمئة على أساس شهري، وأعلى إجمالي شهري منذ يناير الماضي والبنك المركزي البولندي، كان المشتري الاكبر في يوليو اللي فات واللي أشتري 14 طن دهب ضمها لاحتياطياته الرسمية، ودي أكبر زيادة شهرية له منذ نوفمبر 2023، مما رفع حيازاته من الدهب إلى 392 طن أو 15 بالمئة من إجمالي الاحتياطيات.
الخلاصة أن الدهب جاي وسعره هيضرب في العالي خلال الأيام والشهور الجاية بحسب كل التوقعات الدولية بعد قرار الفدرالي زي ماقلنا والتوترات العالمية وزي البنوك المركزية العالمية ما بتشتري عشان تأمن احتياطاتها آلافراد كمان بيشتروا ويخزنوا الدهب ودا تفكير اقتصادي سليم لأن الدهب ملاذ آمن لحفظ قيمة الفلوس من اي هبوط وفي نفس ليحقق مكاسب كبيرة عند البيع. وعشان كده الخبراء بينصحوا المواطنين بشراء سبايك وجنينها دهب لأنها اكتر الأنواع اللي بتحتفظ بقيمتها وتحقق مكاسب اكتر عند البيع
