البنك ده هيوفرلك المصروفات الدراسية لأولادك.. شوف التفاصيل

هل في بنوك لسه بتيح قروض صغيرة زي قرض المصروفات الدراسية ولا لأ، ولو فيه نسبة الفايدة على القرض بتبقى كام والسداد على كام سنة.. هنقولك كل التفاصيل في التقرير التالي.
 

دلوقتي، بنك ناصر الاجتماعي بيقدم  حلول مبتكرة لعملائها خاصة من أولياء الأمور، عشان يخفف ويسهل عليهم موسم دخول المدارس، وعشان الطلاب يحصلوا على فرص تعليمية متميزة.

ومن هنا، بيتيح البنك قرض المصروفات المدرسية اللي بيعتبر واحد من أهم البرامج التي بيقدمها، عشان يدعم الأسر المصرية في تغطية تكاليف التعليم لمختلف المراحل الدراسية.

ومن خلال التمويل ده، ممكن الأسر توفر بيئة تعليمية مناسبة لأبنائهم، ومن مميزاته إن في مرونة في السداد وضمانات ميسرة، وكل ده هيعزز فرص الطلاب في الحصول على تعليم جيد من غير عبء مالي كبير على الأهالي

طب إيه هي الفئات المستهدفة من القرض ده؟

القرض ده ببتوجه بشكل أساسي لأولياء أمور الطلاب في جميع المراحل التعليمية، بدءًا من التعليم الأساسي لحد التعليم الجامعي، عشان يغطي كل المصروفات الدراسية اللازمة.

وقيمة التمويل ده بيوصل ل 50 ألف جنيه كحد أقصى لكل طالب، وده هيساعد في تخفيف الأعباء المالية عن كاهل أولياء الأمور وهيوفر بيئة تعليمية مناسبة للطلاب.

طب سعر العائد والمصاريف الإدارية كام؟

بص يا سيدي، سعر العائد المطبق على القرض بيخضع لتغيرات وفقا لسوق العمل المصرفي، وده هيضمن تنافسية الأسعار وفقًا للأوضاع الاقتصادية، وهيتم احتساب نسبة 1.5% كمصاريف إدارية بتُسدَّد نقدًا قبل صرف التمويل.

كمان، بنك ناصر اللي هيقرضك المبلغ ده، هيوفرلك مرونة في خيارات السداد، يعني متاح للأسر اختيار تمويل عام دراسي واحد ويتسدد  على مدار 10 شهور، أو تمويل مرحلة تعليمية كاملة بتُسدد على 3 سنين، وكل ده هيساعد الأسر في توزيع التكاليف بشكل يتناسب مع إمكانياتها المالية.

طب هل في غرامات للتأخير؟

في حال التأخير عن سداد القسط الشهري، بيتم احتساب غرامة بنسبة 1.5% شهريًا من قيمة القسط، وده هيشجع على الالتزام بالمواعيد المحددة للسداد

أما الضمانات المطلوبة، فبتتنوع  على حسب فئة المقترض، يعني أصحاب المرتبات بيقدموا تعهد بتحويل المرتب للبنك عند الطلب، ومن هنا بيتم التأمين على حياة العميل لكامل فترة القرض.

أما أصحاب المعاشات في حالة انهم أخدوا قرض المصروفات المدرسية، فبيتم تحويل المعاش للبنك كضمان أساسي، وكمان بيتم توفير نفس الضمانات الإضافية المذكورة.

لكن العاملين بالقطاع الخاص، فمطلوب ضامن من العاملين بالحكومة مع تعهد بتحويل مرتبه للبنك.

وأخيرا، إجراءات الحصول على القرض ده، بتم من خلال إن حضرتك بتقدم طلب تمويل، وبيتطلب منك الرقم التأميني، وصورة من بطاقة الرقم القومي، وإيصال مرافق حديث، وكمان بيان مفردات الدخل.

وبالخطوات دي ، البنك بيضمن توفير حلول مالية مبتكرة تدعم أولياء الأمور في تأمين مستقبل أبنائهم التعليمي من غير ضغوط مالية.