هتشتريها بكام بكرة؟.. مفاجأة في أسعار الدواجن بالأسواق

هل هتحصل مفاجآت في أسعار الدواجن قريب، طب أسعارها دلوقتي ماشية إزاي، ورايحة على فين الأيام دي.. هنقولك كل التفاصيل في التقرير التالي. 
 

أسعار الدواجن ارتفعت بشكل نسبي من بداية شهر سبتمبر الحالي، في الأسواق، وده بعد ما كانت مستقرة لحد كبير لأكتر من أسبوعين في نهاية شهر أغسطس، وزاد سعر الدواجن البيضاء في الأسواق، حوالي 4 جنيهات تقريبا للكيلو الواحد.

وكانت أسعار الدواجن، انخفضت من بداية فترة عيد الأضحى المبارك، لكن بعدها حصل ارتفاع جديد بعد أجازة العيد مباشرة، بعدين رجعت انخفضت تاني ثم ارتفعت، وده اللي حصل اليومين دوم.

وانهاردة، أسعار الدواجن البيضا ارتفع وسجل 69 جنيه للكيلو كحد أقصى في المزارع عشان توصل للمستهلك ما بين 79 و81 جنيه للكيلو.

وشهدت أسعار الدواجن حالة من التذبذب ما بين هبوط وصعود في الفترة الأخيرة، وده بعدما شهدت ارتفاع كبيرً من بداية الشهر الماضير لكن رغم ارتفاع الأسعار الأخيرة، احنا عندنا اكتفاء ذاتي من الدواجن والبيض.

وعشان صناعة الدواجن من أهم صناعات السوق دلوقتي، فالحكومة اتخذت عدد من الإجراءات عشان نوصل للاكتفاء الذاتي من منتجات الدواجن، نحقق بيها اكتفاء للسوق المحلي ونقدر نصدر  للدول التانية.

ولو حضرتك ماتعرفش، فمصر بتحتل مكانة متقدمة في صناعة الدواجن، ووزير الزراعة الجديد من بداية توليه الحقيبة الوزارية، فبيعطي اهتمام كبير بملف تصدير الفائض من منتجات الدواجن إلى دول أوروبية وعربية أو آسيوية، بعد ما كنا محرومين من تصدير منتجات الدواجن على مدار سنوات طويلة.

ولو عاي  تعرف أسعار الدواجن والبيض، وصلت لفين، فكيلو الدواجن البيضا بيوصل للمستهلك من 79 ل 81 جنيه، وكمان سعر البانيه ما بين 190 و200 جنيه للكيلو الواحد، وسعر الوراك من 82 إلى 85 جنيه للكيلو، وسعر الكبد والقوانص 125  جنيه.

أما سعر البيض، فاستقر بشكل كبير بعد ما كان شهد موجة ارتفاع، بقيمة  10 جنيه للطبق الواحد، وسجل سعر طبق البيض الأبيض في المزرعة 165 والأسواق  بين 170 و175 جنيه للطبق، وطبق البيض الأحمر 166 جنيهً، عشان يوصل للمستهلك ب 175 جنيهً، والبيض البلدي بيوصل للمستهلك ما بين 150 و155 جنيه.

ولو حضرتك ناوي اشتري فراخ من السوق أو المحلات فهنقولك على شوية نصائح عشان تشتري حاجة نضيفة، واللي أولها إن لازم الفرخة يكون صدرها متماسك مش مكسر، وحاوب تحتار الفرخة الممتلئة، كمان  لون الجلد لازم يكون براق ومافيهوش أي كدمات، وكمان فخد الدجاج يكون مرن.

وبالنسبة للفراخ المجمدة، فخليك حريص وأنت بتشتريها أن الجلد مايكونش عليه أي آثار للمايه، أو بلورات تلج، وانتبه كويس لتاريخ الصلاحية المكتوب على الكيس من بره.