إيه اللي بيحصل في منجم السكري.. وليه وزير البترول زاره امبارح؟

إيه اللي بيحصل في منجم السكري، وليه وزير البترول زاره في التوقيت ده بالذات، هل الموضوع مرتبط بإعلان جديد عن زيادة الإنتاجية ولا في سر جديد بخصوص المنجم هيقوله قريب .. هنقولك كل التفاصيل في الفيديو ده. 
 

في الساعات الأخيرة، المهندس كريم بدوى وزير البترول والثروة المعدنية، زار منجم السكري للدهب في الصحراء الشرقية، واللي هو بينصف بأكبر وأضخم منجم لاستخراج كنوز المعدن الأصفر في مصر، والزيارة دي كانت مهمة جدا في التوقيت ده وممكن تكون أول زيارة لكريم بدوي للمنجم.

الوزير وصف المنجم بإنه نموذج متطور  للاستثمار التعديني، وأكد إن الحكومة حريصة جدا على تدعيم نجاحات  المنجم ده، وده طبعا عشان إنتاجيته وصلت 8ر5 مليون وقية دهب.

وواضح إن وزارة البترول مش هتكتفي بتعزيز دورة عمل المنجم المعتادة، لكن هتسعى لزيادة الإنتاج فيه باستخدام تقنيات حديثة فى الاستكشاف عشان يقدر يساهم فى  إطالة عمر الإنتاج من المنجم.

ولو اتكلمنا عن استثمارات منجم السكري، فنقدر نقول أنها بتوصل لأكثر من 600 مليون دولار، وبتشمل أنشطة استكشافية وتنموية وإنتاجية  وإدارة أعمال المنجم التقنيات الحديثة ، بالإضافة لمشروعات تانية زي تمكين المرأة والمسئولية المجتمعية، لأنه بيساهم في دعم حوالى 35 مشروعا متنوع في المجتمع المحيط بالمنجم.

ودلوقتي، الحكومة بتستهدف زيادة الإنتاج من منجم السكرى اللي بيحظى بمخزون عالمي من الدهب، بعد ما بدأ إنتاج الذهب سنة 2010، ومازال بينتجه لحد دلوقتي وبيحقق وفرة كبيرة للسوق المحلي، لأنه بيعتمد على استخراج معدن الذهب من الصخور الحاملة له.

ونقدر نقول إن إيرادات منجم السكري للذهب في سنة 2023 تقارب 850 مليون دولار، مقارنة بحوالي 788.4 مليون دولار في سنة 2022، ومن المقرر رفع الاحتياطيات المؤكدة في منجم السكري بمقدار 500 ألف أوقية ليرتفع من 5.8 مليون أوقية من الإنتاجية.

وبالنسبة لعملية استخراج الدهب من صخور منجم السكري، فبتم من خلال  عملية صب كميات من الدهب في حضور لجنة من مصلحة الدمغة والموازين وهيئة الثروة المعدنية المصرية، بعد كده بتتم عمليات التنقية بمعامل التنقية في الخارج، وبعد كده بيع الإنتاج بالكامل وتحويل قيمته إلى حساب المنجم في مصر لسداد المصاريف التشغيلية والأرباح وحساب النفقات المستردة لأية استثمارات مُنفذة بالمنجم.

وبلغة الأرقام، فهيئة الثروة المعدنية المصرية وصلها  دخل مباشر من منجم السكري "بين حصة أرباح وغيرها"، حوالي 950 مليون دولار ومليار دولار منذ بداية المشروع لحد فترة قريبة.

وحاليا، بيتم التوسع في عمليات التنقيب عن الذهب أو عن طريق الاستكشافات داخل مناطق الامتياز الحالية، ومتوقع زيادات مستهدفة بالإنتاج، لأن خطة المنجم بتستهدف إنتاج متوسط 475 ألف أوقية سنويًا خلال الفترة من 2024 حتى 2034.