ليه البنك المركزي ييشتري دهب؟.. شوف السبب

يا ترى ليه البنك المركزي بيبيع دهب، وإيه سر إعلانه في الأيام الأخيرة زيادة الاحتياطي اللي عنده من المعدن الأصفر، هل كل ده بيدعم الاقتصادي المحلي ولا في أهداف تانية مش معروفة.. هنقولك كل التفاصيل في الفيديو ده.
 

في الأيام الأخيرة، البنك المركزي المصري أعلن عن ارتفاع أرصدة الذهب عنده عشان تسجل 454.925 مليار جنيه بنهاية النصف الأول من 2024.

وبكده، أرصدة الدهب عند البنك المركزي المصري ارتفعت بقيمة 216.3 مليار جنيه، وده معناه إن البنك بيزود أو بيعزز رصيد احتياطياته الدولية من المعدن الأصفر.

طب ليه البنك المركزي المصري أو البنوك المركزية العالمية بتشتري دهب؟

بص يا سيدي، البنك المركزي بيشتري دهب  بشكل مستمر على مدار السنة، وده عشان يقدر يدعم العملة المحلية اللي هي الجنيه، لأن الدهب بيعتبر الملاذ الآمن للتحوط به ضد الأزمات أو تقلبات العملات.

وطبعا، زيادة احتياطي مصر من الدهب مهم جدا، خاصة في ظل التوترات السياسية الموجودة في منطقة الشرق الأوسط والعالم، واللي بتؤثر بالتأكيد بشكل سلبي على اقتصادات العالم، والاقتصاد المحلي المصري بشكل خاص، وكمان احتياطي المعدن الأصفر بيعتبر حائط صد للاقتصاد المصري ضد أي مشكلات اقتصادية تحصل، كمان عشان نقدر تواجه التذبذب في سعر صرف العملات الأجنبية.

ودلوقتي الإحصائيات الرسمية بتشير إلى أن احتياطي مصر من الدهب يقدر بنحو 7.3 مليون أوقية، بما يقدر بأكثر من 126 طنا بما يعادل نحو 9.557 مليار دولار.

ضيف على كده، إن مصر أنتجت السنة اللي فاتت حوالي 560 ألف أوقية من الدهب، ومخطط أنها توصل إلى 800 ألف أوقية خلال سنة 2030، وكمان، إحصائيات مجلس الدهب العالمي بيقول إن إنتاج مصر من المعدن الأصفر سنويا بيبلغ نحو 15.8 طن.

وفي الفترة الأخيرة، البنوك المركزية العالمية، اشترت كميات كبيرة من الدهب، زي مثلا الصين اشترت السنة اللي فاتت حوالي 225 طن عشان يوصل احتياطاتها منه حوالي 2235 طن، وبلغت مشتريات البنوك المركزية في العالم السنة اللي فاتت حوالي 1037 طن.

وفي أمريكا، بلغ الاحتياطي بتاعها من الدهب 8133.46 طن، وبعدها جت ألمانيا ثم إيطاليا، وده وفقا لإحصائيات مجلس الذهب العالمي.

كل ده بسبب إن المعدن الأصفر بيعتبر عنصر أساسي في احتياطات البنوك المركزية، كمان بتلجأ بعض الدول لتنويع احتياطياتها من الدهب عشان تحد من نفوذ الدولار وتوفؤ غطاء للعملة الملحقية بها بعيدا عن الدولار.

وده لأن العلاقة بين الدولار والدهب علاقة عكسية، عشان كده المعدن الأصفر هو أداة للتحوط ضد انخفاض الدولار في سوق الصرف العالمي.