مصر وصلت الفضاء.. إزاي الحكومة اقتحمت اقتصاد 275 مليار دولار
ناس كتير فاكرة أن قطاع الفضاء واكتشاف الكون نوع من أنواع الرفاهية والاستعراض للدول الغنية وإنها غير مجدية اقتصاديا لكن الكلام دا مش حقيقي.. شوف الفيديو ده للآخر وانت تعرف التفاصيل
زي ما احنا عارفين العلم ملهوش كبير وكل يوم فيه تكنولوجيا جديدة بتظهر ودلوقتي الدول بقت رأس مالها المعلومات والكوادر البشرية اللي بتملك وتدير تكنولوجيا وبرامج وتطبيقات والذكاء الاصطناعي لغاية ما بقيت هي عماد الاقتصاد العالمي الحديث.. وبالنسبة لموضوع تكنولوجيا الفضاء فدا ملهوش علاقة بالترفيه واستعراض عضلات الدول لكن ليه علاقة بالاقتصاد وتكنولوجيا المستقبل في خارج الكوكب وامتلاك تكنولوجيا الاتصالات والمعلومات وقوة الدول وتكنولوجيا الدفاع والأسلحة والأمن القومي اللي بتوفيرها تكنولوجيا الفضاء دلوقتي يعني الموضوع بقي ليه علاقة بمنافسة عالمية شرسة جدا واقتصاد تاني خالص غير الاقتصاد اللي احنا نعرفه النهاردة.
طيب لو اتكملنا بالارقام عن اقتصاد الفضاء ياترى هتقول ايه؟
لغة الأرقام وحسب إحصاءات تقرير سبيس كابيتال جمعت شركات استكشاف الفضاء لوحدها حوالي 20.1 مليار دولار من الاستثمارات الخاصة السنة اللي فاتت وتم ضح استثمارات بقيمة 4.7 مليار دولار في 85 شركة في الربع الرابع من سنة 2022، و أشار التقرير إلى أن إجمالي قيمة الاستثمارات العالمية في مجال استكشاف الفضاء منذ عام 2013 ، بلغ نحو 272.3 مليار دولار.. اكيد دلوقتي عرفت حضرتك قد ايه قطاع الفضاء العالمي بقي اقتصاد مستقل وكبير وبتعتمد عليه الدول في التقدم وخدمة كل قطاعات الاقتصاد التانية التقليدية زي قطاع الاتصالات تحديدا واكتشاف الثروات والتعدين وكفاية تعرف إن حقول النفط والغاز ومناجم الدهب تحت الارض دلوقتي بيتم اكتشافها من الفضاء.
ليه بنتكلم نهاردة عن الفضاء والتكنولوجيا الجديدة اللي داخلة علينا؟
عشان نقول لحضرتك أن مصر مش بعيدة عن التكنولوجيا اللي كانت حكر على الدول المتقدمة وأن مصر بدأت خطوات واسعة في قطاع الفضاء والأهم أن عندها خطط كبيرة عشان تستفيد من العلم والعالم الجديد اللي داخلينن عليه وزي ما احنا عارفين إن مصر أنشأت اول وكالة فضاء في افريقيا وعندها أعظم علماء في العالم وبدأت تاخد أولي خطواتها في تصنيع وإطلاق الاقمار الصناعية وفي الفترة الأخيرة أعلنت مجموعة "USPACE" الصينية توقيع اتفاقية شراكة بينها وبين وكالة الفضاء المصرية "EGSA" بخصوص تصنيع الأقمار الصناعية واختبارها وإطلاقها ايوا زي ما حضرتك سمعت كده تصنيع أقمار صناعية واكيد احنا عارفين إن دي من أصعب التكنولوجيات في العالم لكن مصر خلاص خدت القرار وبدأت بالفعل.
المجموعة الصينية دي قررت إنشاء أول شركة في مصر متخصصة في تصنيع الأقمار الصناعية ومكوناتها لنقل التكنولوجيا الصينية لإنتاج الأنظمة الكهربائية والبصرية والرادار وأنظمة الاتصالات داخل مدينة الفضاء المصرية بالعاصمة الإدارية الجديدة بخلاف إنشاء مختبر فضاء عالمي بالقاهرة وعلى فكرة دي مش اول إتفاقية لكن وكالة الفضاء المصرية عملت بروتوكولات كتير مع هيئات ودول تانية وقريب هتكون مصر غول الفضاء في الشرق الأوسط.
