خطة مصر للسيطرة على التجارة الدولية.. إيه اللي بيحصل في اقتصادية قناة السويس

 
ايه اللي بيحصل في قطاع المواني المصرية وايه هي خطه مصر للسيطرة على التجارة العالمية في المنطقة وازاي اتحولت الموانئ المصرية لاذرع طويلة للاقتصاد المصري.. كل دا هنعرفه بالتفصيل في التقرير  ده خليكم معانا للآخر 
 
قطاع المواني واللوجستيات في مصر من اكتر إنجازات الدولة المصرية على مر تاريخها بسبب أعمال الإنشاءات والتطوير اللي  حصلت في القطاع الحيوي دا وبدون موانئ مفيش تنمية اقتصادية حقيقية ولا استثمارات ضخمة ولا حركة تصدير واستيراد وتداول بضائع وبتعتبر المواني والمناطق اللوجستية هي الذراع الطويلة لمصر في سوق التجاره الدوليه ودا اللي لفت انتباه المستثمرين لمصر وكفاية نعرف إن مصر عندها شواطيء طولها اكتر من الفين كيلو متر على بحرين من أهم بحار العالم واللي بتمر فيهم اغلب تجارة النفط والغاز في العالم يعني مصر عندها كنز رباني ولازم تستغله وكفاية نعرف إن فيه دول بحالها اقتصادها قاىم على المواني وحركة التجارة زي دبي مثلا وتايوان وماليزيا.

وبتمتلك مصر عدد من الموانئ الرئيسية على البحر الأبيض المتوسط، بما فى ذلك الإسكندرية ودمياط وبورسعيد. كما أن لديها موانئ مهمة على البحر الأحمر، زي العين السخنة والسويس ونويبع، بالإضافة إلى موانئ سياحية وبترولية متخصصة ويشكل ذلك 90% من حجم تجارة مصر مع العالم، واللى بتمر عبر الموانئ البحرية، وفقًا لتقرير أصدره المركز المصرى للدراسات الإستراتيجية فى يونيو 2023.

وزراة النقل المصرية اعتمدت خططًا قصيرة ومتوسطة المدى حتى عامى 2024 و2030 على التوالي. وتهدف الخطط إلى توظيف كافة الإمكانات المتاحة والمزايا النسبية التى تتمتع بها موانئ البحر الأحمر والبحر الأبيض المتوسط وقناة السويس.
وبحسب تقرير دولي القيمة الاقتصادية للموانئ المصرية بتتخطى قيمتها في خلق مناطق صناعية وحرة قريبة منها وبتخلق مجتمعات اقتصادية ضخمة وبتحذب رؤوس الأموال واللي بتفضل تعمل مشروعات قريبة من المواني لتسهيل عمليات الاستيراد والتصدير لمنتجاتها ط.

مصر كمان وضعت مخطط متوسط المدى من 2024 لغاية 2030 للتوسـع وجعل مصر مركز للتجارة العالمية واللوجستيات، فى إطار توجيهات الرئيس عبد الفتاح السيسى  فى مارس 2023 بعرض تقرير ودارسة عن إمكانية تخطى إيرادات تجارة الترانزيت لإيرادات السياحة فى ظل العديد من التقارير الإعلامية نتيجة نجاح خطة تأهيل الموانئ المصرية... وعشان كده مصر استثمرت مليارات الجنيهات في تطوير وإنشاء المواني والمناطق اللوجستية

طيب ايه الجديد في ملف المواني المصرية ؟
اخر حاجة هي أن الهيئة الاقتصادية لقناة السويس بتخطط لاقتراض  19 مليار جنيه لأجل 13 سنة من تحالف بنوك محلية بقيادة "البنك الأهلي المصري" لاستكمال مشروعات تطوير الموانئ، وبهدف تمويل أعمال تطوير وتوسعة 6 موانئ تابعة لها وزي ما احنا عارفين بيتبع الهيئة موانئ غرب وشرق بورسعيد، والعريش، والأدبية، والسخنة، والطور، كما يخضع لولايتها 4 مناطق صناعية في شرق بورسعيد، وغرب القنطرة، وشرق الإسماعيلية، والمنطقة الصناعية بالسخنة.

وتخطط الهيئة للانتهاء من إنشاء أرصفة بطول 18 كيلومتراً، وبعمق 18 متراً، وساحات تداول بمسطح 5.6 مليون متر مربع، ومساحة مقاربة لعدد من المناطق التجارية واللوجستية، في ميناء السخنة قبل نهاية 2024.

كمان هيتم دعم ميناء السخنة الواقع على سواحل البحر الأحمر بشبكة من خطوط السكك الحديدية بطول 10 كيلو مترات متصلة بالقطار الكهربائي السريع (عين السخنة - العلمين الجديدة) لاستخدامها في نقل البضائع وخصوصاً الحاويات على هذا الخط إلى كافة أنحاء الجمهورية، بالإضافة إلى الطريق الشرياني بطول 14 كيلومتراً تقريباً ليربط بين الأرصفة والميناء ككل.
كل المشروعات الضخمة دي في قطاع النقل والموانئ والمناطق الخاصة بيهدف لتعزيز حصة مصر من التجارة الدولية في المنطقة وتحويلها لمركز عالمي للتداول وفعلاً مصر قربت جدا من تحقيق دا.