إيه اللي هيحصل في سوق الذهب بعد يوم الاثنين .. مفاجآت صادمة

 
الدهب علي مدار الاسابيع اللي فاتت واسعاره كل يوم في الطالع، والاسعار مش عايزة تنزل، وكل الخبراء بيقولوا انه اسباب ارتفاع الذهب في مصر اسباب خارجية.. يا تري اية توقعات اسعار الذهب في مصر.. واية نصائح الخبراء للناس اللي عايزة تبيع أو تشتري
 

الدهب علي مدار الاسابيع اللي فاتت ضرب الارقام القياسية وسعر عيار 21 والمعروف عنه انه الاكثر انتشار شراء في الاسواق وخصوصا في محافظات الصعيد قرب علي 3500 جنيها، ولحد اللحظة دي محدش عارف اية اسباب ارتفاع الاسعار في مصر، خصوصا أن اسعار العملات الأجنبية في مصر تعتبر مستقرة، والزيادات اللي فيها بتكون بسيطة ومش هيا اللي ترفع الاسعار بالشكل ده.
طيب اية هيا اسباب ارتفاع اسعار الذهب في مصر؟.
مصر زيها زي اي دولة في العالم بتتاثر بالتغيرات الجيوسياسية اللي بتصل في العالم والحروب اللي علي وشك القيام، خصوصا التغيرات اللي حصلت وهتحصل في المنطقة العربية، واللي اثرت علي اسعار الوقود والطاقة وواحدة من اهم الحاجات اللي تاثرت بارتفاع اسعار الطاقة هيا الذهب، واللي طبعا بيعتمد علي الطاقة في التصنيع والتشغيل بشكل كامل.
المناوشات اللي حصلت في الفترة اللي فاتت بين الكيان المحتل ودولة إيران لها تاثير كبير علي اسعار الذهب عالميا، خصوصا ان أغلب دول العالم بتتاهب دولوقتي لقيام نوع جديد من الصراع وبرضوا في المنطقة العربية، وحاليا اغلب دول العالم بتحاول بكل الطرق انهم تضغط علي الدولتين لتجنب قيام صراع جديد في منطقة الشرق الاوسط؟
طبعا السؤال اللي جه في بالك، طيب وانا مالنا ومال ايران والمنطقة ؟ وهل الحرب دي عندنا ولا عندهم.. هقولك يا سيدي، اي صراع أو حروب في العالم بتكون مرتبطة بتغير في اسعار الطاقة خصوصا أنها المشغل الاول للدول، وعادة الدول لما تقوم صراعات بتعمل حاجة لتبطي تصدير الوقود، خصوصا انه محدش في الوقت ده بيبقي عارف الامور رايحة علي فين، وهل الحرب هتستمر لفترة طويلة ولا هتكون موقتة .
طيب انا لو معايا قرشين او معايا ذهب أبيع ولا اشتري دولوقتي؟.
سامح عبد الحكيم عضو شعبة الذهب بالغرف التجارية كشف عن مستقبل أسعار المعدن الأصفر في الفترة اللي جاية وقال أن أسعار الذهب شهدت في أخر أسبوعين شهدت ارتفاعات ملحوظة متأثرة بالبورصة العالمية وتحرك سعر الدولار بالبنوك ولأول مرة يتخطى سعر أوقية الذهب في البورصة العالمية الـ 2500 دولار، وده ادي بشكل مباشر لتحريك الأسعار في السوق المحلي، وحاليا سعر جرام الذهب عيار 21 وصل لـ3495 جنية .
عضو شعبة الذهب قال اللي بيفكر يشتري أو يبيع بقوله اصبر لحد يوم الاثنين اللي جاي وقبل نهاية شهر اغسطس الجاري علشان هيحصل تصحيح الاوضاع وهتنخفض الأوقية 30 دولار وفي الحالة إلحق إشتري بسرعة علشان بعدها الذهب هيكمل ارتفاعه مرة تانية .