انزل جهز أوراقك.. وظائف جديدة بمترو الإنفاق والقطار الكهربائي الخفيف

الفترة الأخيرة كل يوم الجهات الموجودة في الدولة بتعلن عن وظايف جديدة للخريجين والناس اللي بتدور علي شغل وعلي لقمة عيش والمرة دي من مترو الانفاق اللي أعلن عن حاجته لشغل وظائف جديدة.. يا تري اية هيا وظائف مترو الانفاق والسكة الحديد ومرتبها بيوصل لكام

 
الإصلاحات الاقتصادية اللي قامت بيها الحكومة علي مدار الشهور اللي فاتت بدأت انعكاساتها تظهر كل يوم علي الحياة الاجتماعية للمواطن المصري مش بس في الأسعار لا في كل جوانب الحياة.. وواحدة من الحاجات دي هيا توفير الوظائف للشباب والناس اللي بتدور علي فرصة عمل تأكل منها لقمة عيش .
شركة مترو الانفاق أعلن مؤخرا عن حاجته لوظائف للشباب والطلبة الخريجين وبتشمل أفراد أمن بمحطات المترو وعلى بوابات الدخول، وافراد امن إدارى، وحددت شروط للتقديم وهيا أنها بتقتصر علي الشباب الذكور، ويكون سنه مش اكبر من 45 سنة ويكون حاصلا على مؤهل متوسط أو فوق المتوسط، ووحددت كمان أماكن للتقديم وهى مقر الشركة من يوم الأحد إلى الخميس.
وظائف وزارة النقل مقفتش علي اعلانات شغل الوظائف لمترو الإنفاق، لا ده كمان الوزارة أعلنت عن فتح باب التقديم لوظائف في القطار الكهربائي الخفيف وكمان أعلنت عن مدت فترة التقديمات علي الوظائف الجديدة علشان. توفر مدة للناس اللي عايزة تقدم علي الوظائف أنهم يلحقوا ويقدموا فيها خصوصا أن الفترة اللي فاتت كان فيها ايام اجازات كتيرة ومكنش مسموح الناس أنها تقدم علي الوظائف في أيام الإجازات .

طيب اية طبيعة الوظائف اللي طلبها القطار الكهربائي الخفيف ؟.
السكك الحديدية أعلنت عن طلب اعداد كبيرة من الناس اللي عاوزة تشتغل واللي بيدرو علي شغل في قسم الاتصالات والإشارات واللي تضمن اعلان الوظائف الخاص بيهم فنيين إشارات للكشف عن الأعطال وإصلاحها في أنظمة الاتصالات والإشارات للسكك الحديدية، وفنيين كهرباء لصيانة وإصلاح الوحدات المتحركة، وفنيين صيانة ميكانيكية وفنيين صيانة موقع لأنظمة التكييف والمضخات والإضاءة وفنيبن صيانة انظمة التذاكر وفنيين ميكانيكي لإصلاح المصاعد والسلالم المتحركة، وفنيين  كهرباء وشبكات كهربائية جهد عالي مطلوبون لصيانة محطات توليد الطاقة والشبكة الهوائية، وعمال صيانة مطلوبين لتنظيف الماكينات ومساعدة الفنيين في الصيانة.

السكك الحديدية أعلنت كمان عن طريقة التقديم لوظائف القطار الخفيف وهيا من خلال تقديم المستندات المطلوبة وهيا صورة المؤهل الدراسي للمتقدم للحصول على الوظيفة وصورة الموقف من التجنيد وصورة شهادة ميلاد كمبيوتر وصورة شهادات الخبرة لو موجودة وصورة شهادات الدورات التدريبية اللي حصل عليها وحوالة بريدية ب20 جنيه بإسم الشركة المصرية لإدارة وتشغيل المترو وهيقدمهم الفرد اللي طالب الوظيفة في ظرف موضح عليه اسم الوظيفة والقسم التابع لها بمبنى الهيئة القومية للأنفاق بميدان رمسيس..