لعملاء البنوك.. تعمل إيه لو جاتلك رسالة "مبروك كسبت جائزة"؟

"مبروك كسبت جائزة" .. الرسالة دي بتيجي لناس كتير من عملاء البنوك على موبايلاتهم، في منهم اللي بيتفاعل معاها، وفي اللي بيحتار "هل هي حقيقية، ولا فخ جديد من شوية حرامية"؟

بص يا سيدي، نقدر نقولك لو جاتلك الرسالة دي ماتتفاعلش معاها أبدًا، لأنها بتبقى من هاكرز عايزين يسرقوا بيانات حساباتك، وبيخدعواك بالرسالة دي، فلو اتفاعلت معاها وكلمتهم على أنهم البنك، هيطلبوا منك تفاصيل الحسابات البنكية بتاعتك والأرقام السرية، وبالتالي هيسرق فلوسك ويسحبها بكل سهولة.

ومن هنا، بنك مصر حذر عملائه من الرسايل دي، وأكد أنها طريقة جديدة للاحتيال وسرقة عملاء البنوك.. فخلي بالك وماتديش معلوماتك البنكية لأي حد.