ضربة المركزي اللي رجعت تحويلات المصريين بالخارج

تحويلات المصريين بالخارج كل شهر بتسجل رقم اعلي من الشهر اللي قبله، وحاليا كل الارقام مبشرة بشنل كبير قوي.. يا تري اية سر ارتفاع تحويلات المصريين بالخارج.. ووصلت لكام دلوقتي 
 
تحويلات المصريين بالخارج واحد من أهم مصادر العملة الأجنبية للدولة المصرية زيها زي مصادر الدخل الدولاري المعروفة للكل وهيا قناة السويس والسياحة التصدير، لكن في السنين الأخيرة تحويلات المصريين اتحولت لمصر دولاري مهم لمصر، وكانت ولا زالت بتوصل لارقام فلكية.

علي مدار الشهور اللي فاتت تحويلات المصريين بالخارج اخذت منحني منخفض جدا وكانت الكمية اللي بتوصل البنوك المصرية لا تذكر مقارنة بكمية العملات اللي بتروح السوق السوداء وده بسبب بسيط جدا وهو أن سعر بيع الدولار في السوق السودا كان اعلي بكتير من سعره في البنوك.
طيب اية اللي عملته الدولة علشان ترجع تحويلات المصريين بالخارج لشكلها الطبيعي ؟.
الإصلاحات الاقتصادية اللي مصر عملتها علي مدار الشهور اللي فاتت واللي كان أهم قرار فيها السماح بسعر مرن الدولار في السوق، وانتهاء العمل السعر الثابت لسعر صرف الدولار نهي بشكل تام علي فكرة وجود سوق سودا للتجارة بالعملات في مصر وخصوصا العملة الخضراء، وهنا المواطن المصري اللي طالع عينة في الغربة علشان يحوش قرشين أتجه للبنوك الوطنية لتحويلهم لعملة مصرية خصوصاً أن سعر صرف الدولار في البنك اعلي بكتير من سعره في السوق السودا واللي معادتش موجودة أصلا وبالتالي المواطن دلوقتي بيروح للمكان اللي فيه سعر بيع اعلي، ده غير ان المواطن بيكون متطمن علي فلوسه وتعاملاته في البنوك الوطنية خصوصا أن عارف إنه مش هيكون ضحية نصب وده طبعا بيحصل كتير في السوق السودا وفي ناس كتير اتنصب عليا في فلوسها وللاسف معرفوش يأخذوا حث ولا باطل .
وعلشان نبقى عارفين أن الفترة اللي كان المصريين يبيعوا فيها فلوسهم في السوق السودا كان فترة عصيبة جدا علي الدولة المصرية وكانت السوق السودا في التجارة يالعملة بتهدد الاقتصاد المصري بشكل كامل مش العاملين بالخارج بس ولا الضربة القاضية اللي عملتها الحكومة بتوقيع صفقة الاستثمار السياحي في رأس الحكمة والفلوس اللي دخلت خزينة البنك المركزي بشكل مباشر كان زمان الحسابات والارقام اللي بنتكلم فيها دلوقتي مختلقة تماماً وطبعا الأسعار كانت راحت في داهية .
طيب تحويلات المصريين بالخارج وصلت لكام دلوقتي ؟.
البنك المركزي أعلن عن ارتفاع تحويلات المصريين العاملين في الخارج في شهر يونيو اللي فات، للشهر الرابع على التوالي وسجلت 2.6 مليار دولار أمريكي مقابل نحو 1.5 مليار دولار.
البنك المركزي أعلن كمان ان تحويلات المصريين بالخارج ارتفعت في الفترة الأخيرة بأكثر من الضعف بعد الإجراءات الإصلاحية والاقتصادية اللي قام بيها البنك المركزي وكان أهم قرار فيها تحرير سعر الصرف بشكل مرن، خصوصا أن اعلي رقم نخوسلا المصريين في الخارج قبل قرار تحرير سعر الصرف كان وصل ل1.3 مليار دولار فقط.