لو عاوز تشتري دهب.. لازم تقرأ التحليل دة

يا ترى اسعار الدهب رايحة على فين ؟ وليه فيه تحركات كبيرة بتحصل فى سوق المعدن النفيس فى الايام الأخيرة ؟ وازى سعر جرام الدهب وصل الى 3500 جنيه ؟ ومتوقع يوصل لكام قبل نهاية 2024 ؟

الاسبوع اللى فات شهد ارتفاع كبير لأسعار الدهب  في السوق المصري بالتزامن مع ارتفاع قوي في أسعار الههب عالميًا بالتوازي مع ارتفاع سعر الدولار عفى البنوك المصرية وشركات الصرافة ووصوله الى مستويات قرب ال 50 جنيه .. وطبعا الأسباب دي كلها مجتمعة ساهمت فى صعود المعدن الأصفر وعملت ارتباك واضح فى سوق الصاغة للدرجة اللى خلت محلات كبيرة توقف بيع وشراء الدهب لأن الأسعار مكنتش منطقية خالص

وفي التعاملات الأخيرة بيتم تداول عيار 21 الأكثر شهرة وانتشار في مصر عند حدود 3475 جنيه للجرام وبيقترب من مستوى 3500 جنيه في تداولات الساعت الأخيرة  وبيتم تداول الدهب عيار 24 الصافي عند 3971.5 جنيه للجرام. ويقترب عيار 18 من 3000 جنيه وبالتحديد يتداول عند 2978.25 جنيه للجرام.

وبيصل سعر الأوقية في مصر بناء على أسعار الدهب الصافي 123,513 جنيهًا تقريبا في الوقت اللى أغلقت فيه أسعار الذهب يوم الجمعة في السوق العالمية عند 2431.14 دولارًا أي 119,737.11 جنيهًا حسب تسعير الجنيه المصري في البنك المركزي.

وبيكشف التفاوت ده عن عودة خفيفة للفجوة البسيطة بين التسعير الرسمي للدولار وتسعيره في سوق الدهب في مصر في الوقت الحالي.. يعنى ببساطة طده حيتان الصاغة بدأوا يلعبوا من جديد وتسعير الدهب مشمربوط بسعر الدولار فى البنك المركزي وانما بدولار الصاغة اللى دايما بيكون أعلى من السعر الرسمي للعملة الأمريكية.

طب ايه توقعات الدهب الفترة الجاية ؟

معظم التوقعات رايحة فى سكة ارتفاع كبير فى الدهب خلال الشهور الجاية والتوقعات بتقول ان سعر جرام عيار 21 ممكن يوصل الى 4 الاف جنيه قبل نهاية 2024 .. وأصحاب وجهة النظر دي عندهم اسباب كتيرة توقعاتهم بزيادة سعر الذهب أهمها الأوضاع العالمية سواء على المستوى الاقتصادي وتراجعات البورصات حول العالم وارتفاع سعر الدهب عالميًا، أو على المستوى السياسي نتيجة لتزايد التوترات في الشرق الأوسط مع زيادة احتماليات وجود حرب واسعة بين إيران وحزب الله من جهة وإسرائيل مدعومة من قبل الولايات المتحدة من جهة تانية.

وعشان كده الشعبة العامة للدهب باتحاد الغرف التجارية طالبت من الحكومة إعادة تطبيق قرار إعفاء الدهب من الجمارك وأدت التجربة السابقة مع القرار ده إلى تحقيق توازن بين السعر العالمي والمحلي للدهب

وليه فيه اقبال كبير على الدهب؟

فيه اسباب كتير للاقبال على الدهب مؤخرا أهمها ان الناس بتعتبر الدهب ملاذ آمن فى اوقات الأزمات الكبيرة  للحفاظ على قيمة فلوسهم خصوصا في ظل الاضطرابات الاقتصادية المتزايدة.. كمان مع اى كلام عن ارتفاع الدولار الناس بتفضل تحط فلوسها فى الدهب للتحوط من اى ارتفاعات فى الاسعار ولحماية الأموال من التآكل