ليه مصر ببتوسع فى أدوات الدين بالعملات الأجنبية؟.. وإيه تأثير ده على الدولار

يا ترى ليه مصر بتتوسع فى طرح أدوات الدين من اذون خزانة وسندات بالعملات الأجنبية؟ وايه تأثير ده على سوق الصرف وسعر الدولار فى البنوك وشركات الصرافة؟ وايه معنى طرح أذون خزانة مقومة باليورو؟

من ساعات أعلن البنك المركزي استعداده  لطرح أذون خزانة بالعملة الأوروبية اليورو، بعد توقف دام لمدة 9 شهور من أخر طرح لأذون الخزانة باليورو، وكمان هيطرح المركزي  سندات خزانة ذات العائد الثابت، والمتغير في نفس اليوم.

ووفقا للبيانات والمعلومات المتاحة على موقع البنك هيتم طرح أذون خزانة مقومة باليورو بقيمة 600 مليون يورو، لمدة 364 يوم خلال يومين بالكتير و أخر طرح من نوعية أذون الخزانة المقوم باليورو قام بيه البنك المركزي كان في 6 نوفمبر 2023 بقيمة 656.7 مليون يورو، تحت متوسط سعر عائد 4%، مع تاريخ استحقاق في 5 نوفمبر 2024

وبيعتزم يعتزم البنك المركزي كمان طرح سندات خزانة ذات العائد الثابت بالجنيه المصري بقيمة 5 مليار جنيه، ولمدة 3 سنين هيتم إصدارها في 13 أغسطس 2024، وهيتم استحقاق المبلغ في 13 أغسطس 2027.

ووافقت وزارة المالية، على قبول 18 عرض من إجمالي 61 عرض اتقدموا لشراء سندات خزانة بالعملة المحلية، بقيمة 4.301 مليار جنيه تقريبا، بسعر كوبون 23.8%، لمدة 3 سنين.

وهيطرح البنك المركزي سندات خزانة ذات العائد المتغير بالجنيه المصري، بقيمة 2 مليار جنيه، لمدة 3 سنين ، هيتم إصدارها في 13 أغسطس 2024، على أن يكون موعد وتاريخ استحقاق المبلغ في 13 أغسطس 2027.. وتم قبول 3 عروض من إجمالي 5 عروض تقدمت لشراء سندات خزانة ذات العائد المتغير بالعملة المحلية، بقيمة مليار و105 مليون جنيه، بمتوسط عائد مرجح 35%.

وزي ما كلنا عارفين  الحكومة بتستدين من خلال سندات وأذون الخزانة على آجال زمنية مختلفة، والبنوك الحكومية  هي أكبر المشترين .

طب ليه الحكومة بتطرح أدوات دين مقومة بعملات اجنبية زي الددولار واليورو واليوان والين؟

باختصار مصر عاوزة يكون ليها تواجد قوي فى سوق الدين العالمي لأنها بتستخدم عوائد الأدوات دي فى سداد التزاماتها الخارجية وكمان الطروحات دي بتدخل للبلد عملةصعبة بتستخدم فى تدبير احتياجات المصريين والبنك المركزي بيدير الملف ده بكفاءة وفيه حدود متفق عليها لكميات الطرح والعملات المستهدفة والأسواق كمان اللى بندخلها