قصة السيارة بديلة "التوك توك" اللي مصر بتصنعها؟.. سعرها مفاجأة

يا ترى إيه قصة السيارة بديلة "التوك توك" اللي مصر بتصنعها دلوقتي، وهل هتكون وسيلة جديدة من وسائل المواصلات ولا مواصلة خاصة زي الملاكي، وسعرها هيكون كام، وهل هي هتكون متاحة بالتقسيط ولا فوري.. هنقولك كل التفاصيل في الفيديو ده. 
 

من ساعات وزير الإنتاج الحربي المهندس محمد صلاح الدين، قال إنهم بدأوا المراحل الأولى لتصنيع السيارات بديلة التوك توك، وانهم حددوا النماذج اللي هيتم تصميم العربة من خلالها، وكمان معاهم شركاء جادين في كل الصناعات المطلوبة، عشان يقدروا ينتجوا العربية دي في أسرع وقت ممكن.

الوزير أكد كمان، إن المركبة دي هتكون عربية خفيفة ب 4 عجلات لنقل الأشخاص، وكمان هتشتغل بالبنزين والغاز، وهيتم التعاون فيها بين القطاعين العام والخاص، وكمان سعرها هيبقي حنين ومناسب للجميع، وممكن أي مواطن يستخدمها في تنقلاته اليومية.

وطبعا أغلبنا مش أول مرة يسمع عن العربية دي، لأنها أخدت ضجة كبيرة جدا في مجلس النواب السنة اللي فاتت، واستقر المجلس على الموافقة على تصنعيها، وقال نصا: ووفقا للمادة 7 من قانون  المرور، فهي عبارة عن (مركبة خفيفة آلية ذات أربع عجلات تعمل بإحدى وسائل الطاقة، وتخصص لنقل الأشخاص بأجر، وذلك وفقًا للشروط والمواصفات التي تحددها اللائحة التنفيذية)، وكما بتسري على المركبة الخفيفة الأحكام الخاصة بمركبات التوك توك، كما تسرى عليها الضرائب والرسوم المقررة على سيارات الأجرة أينما وردت بجدول الرسوم والضرائب الملحقة بقانون المرور).

وبالفعل، تم تشكيل لجنة عشان تحط قواعد وآليات إحلال التوك توك بالسيارات دي لأنها هتكون الصديقة للبيئة، وبالفعل تم وضع نماذج بديلة وصل عددها لـ10 نماذج، واللجنة مشكلة من جهات مختلفة منها وزارات البيئة والتنمية المحلية والإنتاج الحربى، رفضت 5 نماذج ومنها السيارات الفان.

وكان سبب رفض سيارات الفان هو ارتفاع سعرها وحجمها الكبير، وأنها لا تتناسب مع غالبية القرى والشوارع الصغيرة.

كمان، اللجنة أكدت أنها بتشتغل بالطاقة النظيفة كبديل للبنزين، سواء الكهرباء أو الغاز الطبيعى، بحيث تكون صديقة للبيئة، وأغلب النماذج المطروحة حاليا عبارة عن سيارات نقل ركاب صغيرة آمنة، وحضارية بثلاث عجلات تشبه التوك توك.

وخليك عارف، إن العربية دي هتكون سهلة الحركة وتراعى الأبعاد الأمنية وسيتم دمجها فى منظومة التراخيص المرورية.، وفي أكتر من 10 شركات شغالة فى مجال تجميع السيارات، قدمت طلبات عشان تشارك فى الإنتاج والتصنيع.

ضيف على كل ده، إن المنتج المحلي في العربية دي هيكون بنسبة 60% بشكل مبدئي. 
‏
طب لو أنا عاوز اشتريها.. اعمل ايه؟

بص يا سيدي، حضرتك لو سواق اوك توك، هتقدم طلب الإحلال لجهاز المدينة اللي انت تابع لعا، مرفق به مستندات الملكية، كمان لازم تسلم التوك توك للشركة، اللي هتحدد قيمته طبقًا للحالة الفنية وسنة الصنع بمعرفة لجنة مختصة، وهتعتبر اللجنة ثمن التوك توك مقدم ثمن السيارة الكهربائية البديلة.

وأخيرا، عن السعر، فمتوقع يكون 60 ألف جنيه وبنظام التقسيط الشهري على سنوات .