لاحس ولا خبر.. الحكومة جابت 8 مليار دولا منين وصرفتهم في إيه
هي الحكومة جابت أكتر من 7 مليار دولار منين وصرفتهم في ايه وليه الحكومة اعلنت التفاصيل النهاردة وليه الحكومة متفكرش متستمرش على طول في الفكر ده بدل ما تروح وتستلف من صندوق النقد بالفايدة العالية.. تعالوا نشوف المفاجات في الفيديو دا
النهاردة من غير سابق معاد المهندس شريف الشربيني، وزير الإسكان والمرافق والمجتمعات العمرانية، كان في الجلسة الأولى بعنوان فرص وآفاق الاستثمار في مصر، ودي ضمن النسخة الـ5 لمؤتمر المصريين في الخارج، واللي بتنظمه وزارة الخارجية والهجرة وشئون المصريين بالخارج، تحت شعار "من أم الدنيا... إلى كل الدنيا"، ووسط مشاركة كبيرة جدا من المصريين بالخاج ومعاهم الدكتور بدر عبد العاطي، وزير الخارجية والهجرة وشئون المصريين بالخارج، ومحمد جبران، وزير العمل، ورامي أبو النجا، نائب محافظ البنك المركزي المصري، وحسام هيبة، رئيس الهيئة العامة للاستثمار والمناطق الحرة.
المهم في دا كله إن الشربيني، اتكلم عن المبادرات اللي عملتها الحكومة المصرية لاشراك المصريين بالخارج باللي بيحصل في بلدهم وإنهم عمرهم ماكانوا بعيد عنها وساهموا فعلا في خروجها من أزماتها الاخيرة وخاصة ازمة الدولار وقال في كلمته، إن الدولة المصرية وتنفيذًا لتوجيهات الرئيس عبد الفتاح السيسي، حققت طفرة كبيرة في مجال التنمية العمرانية خلال الـ10 سنين اللي فاتت، وإنشاء مراكز تنموية جديدة لجذب الاستثمارات المحلية، والمنافسة العالمية لبعض المشروعات التنموية واستعادة مكانة مصر على الخريطة العالمية للاستثمار.
الوزير أكد كمان إن وزارة الإسكان بتقدم كل الدعم لأهالينا المصريين في الخارج، واستعرض مبادرات طرح مشروعات الإسكان بالخارج، والترويج للاستثمار العقاري، وتشمل، تحفيز تصدير العقار للمصريين العاملين بالخارج، ومشروع برنامج بيت الوطن للمصريين العاملين بالخارج، وتخصيص الأراضي بالدولار من الخارج، وتطوير النواحي التسويقية لاستقطاب وجذب المواطنين المقيمين بالخارج، وتطوير الموقع الإلكتروني لهيئة المجتمعات العمرانية الجديدة ليتم طرح الأراضي من خلاله بشكل مستمر.
الاقتصاد المصري من خلال التحويل بالدولار من الخارج.
ونيجي بقي للأهم في كلام الوزير وللي كشف في المؤتمر إنه تم طرح 9 مراحل بمشروع بيت الوطن خلال الفترة من 2012: 2023، شملت تخصيص آلاف قطع الأراضي السكنية والخدمية، والوحدات السكنية بأنواعها، وفيلات، ومقابر، وبلغ إجمالي المبيعات نحو 7.3 مليار دولار لغاية دلوقتي وجارٍ تخصيص الوحدات السكنية المطروحة بالمرحلة العاشرة، وجارٍ الإعداد لطرح مراحل جديدة من المشروع تتضمن وحدات سكنية، وقطع أراض سيتم الإعلان عنها فور الانتهاء من تجهيزها.
وكمام الوزارة أطلقت مشروع بيت الوطن للمصريين في الخارج في عام 2012، من خلال إطلاق الموقع الإلكتروني الخاص بالمشروع، والذى يهدف لإتاحة الأراضي والوحدات السكنية للمواطنين المقيمين بالخارج، ومنحهم فرصة للحصول على مسكنهم الملائم في وطنهم، ومساهمتهم في دعم الاقتصاد المصري.
ونيجي بقب نشوف كلام الوزير وهنعرف قد ايه ان مصر عندها كنز كبير في الخارج وهما ولادها واللي قدرو بمبادرة واحدة دعم بلدهم ب8 مليار دولار تقريبا كانت مهمة جدا عشان مصر تخرج من أزمتها وتسدد اقساط ديونها وفي الوقت تستورد احيتاجات السلع الاستراتيجية ويكون عندها مخزون دولاري.. وال8 مليار دولار دي بتساوي قيمة قرض صندوق النقد اللي مطلع عين المصريين.
