هل الدولة المصرية هتبيع المطارات لدولة أجنبية .. إشاعة خبيثة

من فترة طويلة والدنيا مليانة اخبار عن ان الدولة هتبيع المطارات لجهات اجنبية خارجية أو شركات قطاع خاص... ياتري اية حكاية الموضوع ده.. وهل فعلا الاجانب هيشتروا المطارات بتاعتنا 

كلنا عارفين إن برنامج الاصلاح الاقتصادي اللي الدولة بدأت تنفذه مع صندوق النقد الدولي بينص علي ضرورة اشراك القطاع الخاص في ادارة الاصول التابعة للدولة، وواحدة من اهم الاصول دي هيا المطارات، واللي جه الوقت جه عليها علشان القطاع الخاص يدخل في ادارتها، فاتري الحكاية هتمشي ازاي خصوصا ان المطارات واحدة من الجهات الأمنية المهمة لحماية الدولة المصرية والحفاظ علي الاقتصاد والأمن القومي المصري.
الجهات والمنظمات الخارجية اللي شغالة علي تسريب شائعات هدفها معروف ومحدد وهو هدم الدولة المصري لفت الاجراءات اللي بتعملها الدولة لاشراك القطاع الخاص وقالت أن الدولة هتبيع المطارات لجهات اجنبية خارجية أن المطار هيكون ادارته تابعة لجهة اجنبية يدخل الناس والمهربين وكل الممنوعات علشان التخريب ينتشر في الدولة كلها .
وقبل ما الشائعة تنتشر، مجلس الوزراء نفي المعلومة دي تماما وقال أن مفيش اي نيه لبيع المطارات المصرية لجهات أجنبية، وأن المطارات المصرية مملوكة بالكامل للدولة وتخضع للسيادة المصرية.
مجلس الوزراء قال كمان أن الدولة حاليا بتنفيذ استراتيجية متكاملة علشان ترفع كفاءة المطارات وزيادة طاقتها الاستيعابي عن طريق تطوير مشروعات البنية التحتية في المطارات، والارتقاء بالمنظومة الأمنية وتحديث كل أجهزة التأمين في المطارات المصرية ده غير التوسع في شبكة الخطوط بفتح أسواق جديدة في كل قارات العالم، ودعم نشاط الطيران منخفض التكاليف.
مجلس الوزراء قال كمان أنه من المستهدف طرح إدارة وتشغيل المطارات قدام القطاع الخاص باعتباره الأجدر في إدارة وتشغيل المشروعات والمرافق المختلفة الموجودة في المطارات وده في اطار الخطة اللي شغالة عليها الدولة حاليا لجذب استثمارات جديدة تدخل عملة اجنبية للدولة المصري لتعظيم العائد الاقتصادي في مجال النقل الجوي ودعم سياسات الدولة في تعزيز المشاركة مع القطاع الخاص في مجالات الإدارة والتشغيل.  
طيب الشركات دي هيكون شغلها اية في المطارات؟. 
علشان نفهم القصة هتمشي أزاي، لازم أن نسبة العائد التجاري المحطوط للمطارات بيكون اكبر بكتير من العائد الموجود من النقل وتشغيل الطائرات والرحلات الجوية، بمعني أن الدولة لما بتحب تبني مطار بيكون الهدف التجاري منه واخذ جزء كبير من المساحات الموجودة في المطارات والمساجات دي عبارة عن مناطق الاسواق الحرة والبرندات الموجودة في المطارات دي غير الكافيهات وشركات خدمات الاتصالات والبنوك وغيرها من الخدمات الترفيهية والتجارية اللي موجودة في المطارات، ودي الاماكن اللي القطاع الخاص هيدخل يستثمر فيها في المطارات، ولكن الجزء الامن والاداري هيكون حقق اساسي للدولة المصرية وهيا اللي هيكون لها السيطرة علي ادارة شئون المطارات ولها التصرف التام في التشغيل ودخول وخروج المسافرين وفقا للنظم الأمنية والقانون اللي علي اساسه الدولة بتمشي.