صدمة جديدة في سوق الدهب.. ايه اللي هيحصل في الأسعار

 
 
ايه اللي بيحصل في سوق الدهب العالمي وليه الأسعار قفزت النهاردة وياترى الأيام الجاية مخبية ايه وايه اللي هيحصل في الأسعار في مصر وامتي تستثمر صح في المعدن الأصفر.. خليكم معانا وهنعرف التفاصيل كلها في الفيديو ده.

 
قلنا اكتر من مرة هنا في بانكير إن الدهب رايح في حتة تانية خالص الأيام والشهور الجاية ودا اللي أكدته كل تقارير المؤسسات المالية الدولية واللي توقعت تخطيه حاجز ال2500 دولار للأونصة الفترة الجاية من 2024  وإن فيه توقعات بتقول إن الأسعار العالمية هتوصل 3000 دولار في بدايات 2025 واللي هيكون عام الدهب بلا منازع لو استمرت الأزمات الدولية والصراعات والطلب الكبير على المعدن النفيس لانه ملاذ آمن للبنوك المركزية من تقلبات الأسواق ومن انخفاض الدولار وتوترات التجارة الدولية مع سياسة العقوبات الامريكيه على اكتر من دولة مهمة اقتصاديا في العالم زي روسيا و الصين وإيران..
طيب ايه اللي حصل نهاردة في سوق الدهب ؟
اللي حصل إن الاسعار قفزت بشكل مفاجئ النهاردة بسبب تطورات الأوضاع في الشرق الأوسط والتصعيد الخطير اللي حصل بعد استهداف شخصية مهمة في إيران وتوقعات بردود أفعال قوية ممكن توسع من نطاق الأزمة المشتعلة من شهور طويلة وتحديدا في 7 اكتوبر اللي فات وارتفع سعر الدهب عالميًا  بعد العملية اللي تمت في إيران خلال الساعات الأخيرة وتداول الدهب بعدها  فوق الـ 2417 دولار  وصعد سعر الدهب الفوري 0.3% إلى 2417.64 دولار، ليرتفع  بنحو 17% منذ بداية 2024، وكمان صعد سعر الفضة بحوالي 29 دولار للأونصة، مقلصًا.. والتوقعات كلها بتقول إن سوق الدهب داخل على ايام صعبة بعد قرار بنك الاحتياطي الفيدرالي الأمريكي المنتظر واللي هيناقش فيه سعر الفايدة وفي اتجاه للتثبيت أو خفضها ودي معناه انخفاض الدولار لصالح الدهب واندفاع البنوك المركزية العالمية لعمليات شراء واسعة المعدن الأصفر لتقليل خساير احتياطيتها من الدولار.

كمان عمليات شراء الدهب هتزيد اكتر مع اتساع نطاق الصراعات الدولية ودي افضل اوقات الدهب بينتعش فيها بسبب الطلب المتزايد عليه لأنه زي ما قلنا هو الملاذ الآمن في التوترات وسجل المعدن الأصفر رقم قياسي في وقت سابق من يوليو الجاري وده بسبب زيادة الطلب من المستثمرين في آسيا على شراء السبايك  في السوق الفعلية خارج مقصورة التداول في البورصة، وزاد السعر بحوالي 4% مرة واحدة إضافة إلى مواصلة البنوك المركزية زي ما قلنا تعزيز مشتريات الدهب لتنويع احتياطياتها،.
طيب ايه تأثير ده على الأسعار في مصر... مفيش شك أن أي زيادة عالمية في سعر المعدن الأصفر هيكون ليه تأثير مباشر على أسعار الدهب في الصاغة المصرية لأن السوق كله مرتبك ببعضه لكن الطلب على الدهب هو اللي هيفرق في الوقت ده يعني لو حصل طلب زيادة على الشراء يبقي سعره هيضاعف بشكل كبير وزي ما احنا عارفين إن الدهب عند المصريين ليه وضع خاص ومش بيوقف على أسعار والناس بتشتري مهما كانت الظروف سواء للخطوبة والمناسبات أو للاستثمار وزي ما احنا عارفين إن أفضل وقت للاستثمار في الدهب هو دلوقتي مع التقارير والارقام الحالية اللي بتأكد أن الأسعار هستمر في الصعود وقيمة الدهب زي ما احنا عارفين في ادخاره لمدة طويلة متقلقش عن 3 سنين كحد ادني عشان المكسب يزيد.