محمد بن زايد بيعمل إيه في العلمين.. مفاجآت من العيار التقيل
هو الشيخ محمد بن زايد بيعمل إيه في العلمين الجديدة وإيه سر الزيارة الطويلة لاجمل مدينة على بحر المتوسط وإيه المفاجآت الكبيرة اللي هيتم الاعلان عنها.. تابعونا في الفيديو ده وهنعرف التفاصيل
من ساعات تم الاعلان عن زيارة الشيخ محمد بن زايد رئيس دولة الامارات العربية لمصر وعلى فكرة دي الزيارة رقم 50 لبن زايد لمصر سواء لما كان ولي للعهد أو لما بقي رئيس الامارات.. والحقيقة زيارة بن زايد بقت زي زيارات والده الراحل الشيخ زايد لمصر واللي كان بيعشق مصر بطريقة غريبة لدرجة مرة حسني مبارك قال في لقاء مع الشيخ زايد الراحل المصريين بيسألوني كل شوية ليه الشيخ زايد اتأخر المرة دي في الزيارة ودا دليل على حب آل زايد لمصر ووصية الاب الراحل لأولاده من بعده بمصر خيرا وتقديم كل الدعم ليها ودا لان الشيخ زايد كان عارف قيمة مصر وكان دايما يقول طول ما مصر قوية يبقي العرب بخير ولو مصر وقعت لا قدر الله يبقي العرب كلهم وقعوا.
محمد بن زايد الابن أخد بوصية ابوه وبقي سند لمصر وضهر قوي ليها خاصة في الازمات ولو عدينا المواقف اللي وقف فيها بن زايد ودولة الامارات جمب مصرهنلاقيها كتيرة جدا وخاصة بعد سقوط نظام الاخوان الارهابي ومين ينسي الودايع الاماراتية أو المنح أو شحنات البترول وأخر الدعم دا كانت صفقة راس الحكمة اللي أنقذت الوضع في مصر وقدرت توقف البلد على رجليها من تاني في وقت مصر كانت في عرض دولار الرئيس السيسي أعلن إن صفقة راس الحكمة واللي وصلت قيمتها لـ35 مليار دولار وهتوصل ل150 مليار دولار مع نهاية المشروع تمت بأمر مباشر من الشيخ محمد بن زايد.
طيب ايه سر الزيارة الحالية لبن زايد لمصر؟
أكيد زيارة زي دي واللي هتستمر لعدة ايام هتكون كلها خير لمصر أولها دعاية بملايين الدولارات ومجانا للسياحة المصرية ولمدينة العلمين الجديدة بشكل خاص واللي فضلها بن زايد عن المالديف والشواطي العالمية التانية ودي رسالة كمان على الأمن والامان لمصر وفي نفس الوقت دعوة مفتوحة للمستثمرين العرب والأجانب للاستمثار في مصر وتحديدا في الساحل الشمالي.
كمان متوقع تكون فيه مباحثات موسعة بين محمد بن زايد وبين السيسي وأكيد المباحثات دي هتفتح الطريق قدام مشسروعات اماراتية ضخمة جديدة لمصر خاصة في المجال السياحي في الساحل الشمالي وبخلاف القطاع الصناعي ومش بعيد نسمع عن صفقات اماراتية ضخمة في الايام الجاية في مصر لأن أولاد زايد كلهم خير وبيحبوا مصر زي بلدهم التانية وأكتر دولة خليجية ساعدت مصر ووقفت معاها في الأزمات الاخيرة.
