نتائج غير متوقعة.. إزاي البنك المركزي قهر الدولار
![البنك المركزي المصري]( /UploadCache/libfiles/5/7/600x338o/148.jpg)
الإصلاحات الاقتصادية اللي الدولة عملتها علي مدار الشهور اللي فاتت كان لها مفعول السحر في تراجع الدين الخارجي وزيادة الايرادات وزيادة تحويلات المصريين بالخارج.. يا تري حققنا كام دلوقتي واية اللي حققته مصر علي مدار الشهور اللي فاتت
مصر علي مدار الشهور الطويلة اللي فاتت عملت اصلاحات اقتصادية كبيرة واللي كانت بمثابة الانعاش للاقتصاد المصري واللي كان بيواجه شبح الموت، وبعد توقيع صفقة الاستثمار السياحي في راس الحكمة واللي دخلت 24 مليار دولار عوايد مباشرة دخلت خرينة البنك المركزي.
وعلشان نكون عارفين ان لو مصر مقامتش بالاصلاحات الاقتصادية دي، السوق السوداء في التجارة بالعملات وخصوصا الدولار كانت هتوصل بسعر العملات لارقام غير مسبوقة ولا كان حد هيوقفها واللي طبعا كان هيكون لها انعكاسات مباشرة علي اسعار السلع والخدمات اللي بيحصل عليها المواطن.
الاصلاحات الاقتصادية اللي الدولة عملتها كان لها انعكاس علي المؤشرات الاقتصادية واللي تضمنت تراجع تاريخي للدين الخارجي، ده غير ارتفاع حجم الاحتياطيات في البنك المركزي المصري وتدفقات النقد الأجنبي للسوق المصري، واللي طبعا كان لها مفعول السحر في نزول اسعار السلع بالاسواق، واللي بناء عليه المواطن البسيط حس بالاصلاحات الاقتصادية اللي الدولة عملتها.
طيب اية هيا ابرز النتائج اللي حققها البنك المركزي ؟.
البنك المركزي أعلن عن تراجع الدين الخارجي لمصر بنسبة 14.1 مليار دولار ووصل لـ 153.86 مليار دولار بنهاية شهر مايو اللي فات مقارنة بـ 168 مليار دولار في نهاية ديسمبر 2023، والانخفاض ده هو الأكبر في تاريخ المديونية الخارجية لمصر .
البنك المركزي اعلن كمان أن صافي الاحتياطيات الأجنبية سجل أعلى مستوياته على الإطلاق ووصل لـ 46.38 مليار دولار في يونيو اللي فات، وده هيكفي تغطية 7.9 شهر من الواردات السلعية.
البنك المركزي قال كمان أن تدفقات النقد الأجنبي للسوق المحلية ارتفعت بشكل كبير ووصلت لـ 200%، ده غير أن تحويلات المصريين العاملين بالخارج واللي ارتفعت بأكثر من 100% مقارنة بمستويات ما قبل تحرير سعر الصرف في مارس اللي فات.
البنك المركزي اعلن كمان عن زيادة تدفقات النقد الأجنبي واللي ساهمت في تغطية عجز الأصول الأجنبية وسجلت فائض بقيمة 10.3 مليار دولار في يونيو اللي فات مقارنة بعجز وصل لـ 11.4 مليار دولار مع بداية العام الحالي، وكمان صافي الأصول الأجنبية للبنوك سجل صافي الأصول وسجلت 4.6 مليار دولار في مايو اللي فات مقارنة بسالب 17.6 مليار دولار في نفس الشهر من 2023 .
وعلى صعيد المؤشرات الخارجية، المصدر أكد كمان علي تحسن منحنى العائد على سندات مصر الدولارية المستحقة في يناير 2027 وتراجع العائد من 22.86% في أكتوبر 2023 ووصل لـ 9.2% في يونيو 2024، بفارق وصل لـ 13 نقطة مئوية، وده هيساهم في تقليص تكلفة الاقتراض من الأسواق الدولية.