خطة تفكيك الديون الخارجية.. المركزي سدد الـ14 مليار دولار منين

إيه الل بيحصل في ملف الديون الخارجية وإزاي السيسي قدر يفكك أخطر لغم في طريق لدولة المصرية الى مر تاريخها وياترى البنك المركزي جاب الـ14 مليار دولار مينين الأخيرة.. تعالوا نشوف التفاصيل في التقرير ده خليكم معانا للأخر.
 
معروف إن ملف الديون في مصر من اخطر الملفات اللي كانت شوكة في ضهر الدولة المصرية لأن الحكاية مكنتش ديون وخلاص زي أي دولة عليها فلوس للمؤسسات المالية الدولية زي صندوق النقد الدولي أو البنك الدولي أو مؤسسات التمويل لكن ملف الديون في مصر كان ليه بعد سياسي وفي أحيان كتير استخدمته الدول الكبيرة لابتزاز مصر وأداة ضغط لتغير مواقفها السياسية  زي ما حصل كده ساعة مشروع بناء السد العالي وموقف تانية.
كمان مسألة الديون كانت سبب من اسباب ممارسة صندوق النقد والمؤسسات الدولية التانية ضغوط على مصر باصدار تقارير سلبية عن مصر ودا لأن عدم القدرة على سداد الديون من بين عوامل التصنيفات الائتمانية وكمان مؤشر مهم في سوق الاستثمار الدولي لكن دلوقتي الوضع اختلف بعد اعلان البنك المركزي المصري عن سداد 14 مليار دولار لغاية مايو اللي فات وتحقيق أكبر تراجع للدين الخارجي لمصر واللي ووصل لـ 153.86 مليار دولار بنهاية شهر مايو اللي فات مقارنة بـ 168 مليار دولار في نهاية ديسمبر 2023.
طيب المركزي جاب المليارات دي منين؟
في الاول خلونا نأكد إن توفير المركزي للمليارات لسداد الديون الخارجية ده موضوع طبييعي وضمن وظيفته لكن اللي مش طبيعي هو إن تسدد التزامات ضخمة بالدولار في وقت أنت عندك أزمة كبيرة في المعروض النقد ويادوب خارج من أخطر من أزمة مالية في التاريخ الحديث واللي وصلت ذروتها السنة اللي فاتت كلها.

لكن المعلومات اللي عندنا بتقول إن ملف الديون ده كان ليه أولوية في مؤسسة الرئاسة وفي الحكومة وعشان كده نفذت أول خطة لغلق حنفية الاقتراض ووضع ضوابط صارمة للاقتراض الخارجي وإن مفيش دولار سلف هيدخل من بره غير لما يكون رايح مشروع منتج وهيجيب فلوس ودي كانت البداية الحقييقة للتخلص من هم الديون وبعدها الخطة استمرت في دفع الاقساط والديون والحقيقة البنك المركزي عمل معجزة في الملف دا وقدر يوفر في هدوء ملياارت الدولارات عشان يسددها.
واللي منعرفهوش إن مصر كان مطلوب منها تسدد 32 مليار دولار السنة دي لوحدها وهي أكتر سنة مصر هتدفع فيها ديون حسل البنك المركزي والديون اللي هتدفعها مصر في 2024 توازي 20% من إجمالي الديون الخارجية للبلاد، سواء ديون متوسطة وطويلة الأجل مستحقة خلال 2024.
وفي يونيو اللي فات أعلنت وزارة المالية المصرية، سداد 25 مليار دولار من الدين العام المحلي والخارجي من مارس 2024 الماضي ودا اللي قاله بردو تقرير معهد التمويل الدولي بشأن سداد تلك الديون ذاتها.
مصر جابت الـ 14 مليار دولار طبعا من أكتر من مكان ومصدر منها زيادة التدفقات الدولارية الخارجية وعودة تحويلات المصرييين بالخارج وتدفق الاستثمارات المليارية على الاسواق المصرية  وعلى فكرة زيادة التدفق الدولاري ساهم في القضاء على عجز صافي الاصول الاجنبية للبنك المركزي وسجل فائض 10 مليار دولار في يونية مقابل عجز 11 مليار دولار في يناير 2024.