الانهيار قادم.. ليلة سقوط الدولار
![الدولار]( /UploadCache/libfiles/5/7/600x338o/140.jpg)
يا ترى ايه اللى هيحصل فى سوق صرف العملات الأجنبية فى مصر الفترة الجاية؟ وايه اللى حصل فى الساعات الأخيرة وبيقول ان سعر الدولار هينهار الفترة الجاية؟ وازاى البنك المركزي عرف يسترد ثقة المصريين فى الخارج؟ وليه موارد النقد الأجنبي زادت 200% مرة واحدة؟
فى اخر 48 ساعة تم الاعلان عن كام خبر هيكون ليهم تاثير قوي على سوق صرف العملات الأجنبية الفترة الجاية وعلى سعر الدولار فى البنوك وشكرات الصرافة ووفقا للأخبار المنشورة من المتوقع بقوة انخفاضط سعر العملة الأمريكية
طب ايه اللى حصل بيخلينا نقول كده ؟
بص يا سيدي .. مصدر رفيع المستوى بالبنك المركزي كشف عن نمو هائل فى تدفقات النقد الأجنبي للسوق المحلية لتسجل زيادة بحوالى 200% في الفترة من وقت صدور قرار تحرير سعر الصرف بنهاية مارس اللى فات ولحد دلوقتي وتضمنت التدفقات ارتفاع بأكتر من 100% فى تحويلات المصريين بالخارج مقارنة بمستويات ما قبل توحيد سعر الصرف.
وزي ما كلنا عارفين ان قرار ضبط سوق الصرف الأجنبي ساهم بالعديد من النتائج الإيجابية في مقدمتها تحسن صافي الأصول الأجنبية للبنك المركزي بشكل كبير لتسجل فائض قدره 10,3 مليار دولار في يونيو 2024 ارتفاعاً من سالب 11,4 مليار في يناير 2024.
وشه صافي الأصول الأجنبية للبنوك هو كمان تحسن ملحوظ ليسجل 4,6 مليار دولار في مايو 2024 ارتفاعا من سالب 17,6 مليار دولار.
وساهمت عودة التدفقات القوية للنقد الأجنبي فى تسجيل صافي الاحتياطيات الأجنبية الدولية أعلى مستوياته على الإطلاق بقيمة 46.38 مليار دولار في يونيو 2024، بزيادة 13.26 مليار من أغسطس 2022، والأرصدة الحالية للاحتياطي تقدر تغطي حوالى 7.9 شهور من قيمة الواردات السلعية للدولة بشكل يؤمن احتياجات البلاد لفترة تتجاوز بشكل كبير المستويات المتعارف عليها دوليا كمستويات آمنة.
طب ايه تاني بيخلينا نقول ان سعر الدولار هيتراجع الفترة الجاية؟
من الأخيار السارة اللى تم الكشف عنها تراجع كبير فى رصيد الدين الخارجي اللى وصل بنهاية مايو 2024 إلى 153.86 مليار دولار بالمقارنة مع 168.03 مليار دولار في نهاية ديسمبر 2023، بانخفاض قدره 14.17 مليار دولار بنسبة تقدر بحوالي 8.43% والانخفاض اللى حصل فى حجم الديون فى اخر 5 شهور هو الأكبر حجمًا في تاريخ المديونية الخارجية لمصر على الاطلاق.
كمان تحسنت صافي الأصول الأجنبية للبنك المركزي بشكل كبير لتسجل 10.3 مليار دولار في يونيو 2024 ارتفاعاً من سالب 11.4 مليارًا في يناير 2024.
يعنى كده الدولار ممكن سعره ينزل امتى؟
لازم حضرتك تكون عارف ان اى اخبار ايجابية عن توافر النقد الجنبي بيكون ليها تاثير قوى جدا على سوق الصرف وبتساهم فى انخفاض سعر الدولار وفى الكام شهر الجايين الدولار متوقع ينزل ما بين 43 الى 45 جنيه وفقا لتقارير معظم مؤسسات التمويل الدولية