"جرام 21" هيوصل 7 آلاف جنيه.. صدمة أسعار الدهب في 2025
يا ترى أسعار الدهب رايحة على فين السنة الجاية 2025، وهل جرام 21 ممكن يوصل 7 آلاف جنيه زي ما بيتقال، هنقولك الحكاية بالتفصيل في الترير ده.
لو بتحب أو بتحبي تشتري دهب سواء زينة أو إدخار، ومتابعين كويس سعر السوق اللى طالع نازل دلوقتي، فلازم تعرف إن في مفاجآت في سوق الصاغة الفترة اللي جاية واللي هتقلب الموازين وهتمهد الطريق لارتفاعات جديدة في سنة 2025.
طبعا كلنا عارفين إن يتم تحديد سعر الذهب من خلال عدد من العوامل، في المقام الأول قوة الدولار الأمريكي، والطلب المادي والاستثماري على المعدن الأصفر، وصحة الاقتصاد العالمي، ويعتبر الذهب من الأصول الآمنة اللي بتزدهر في أوقات عدم اليقين الاقتصادي وبيستخدمه بعض المستثمرين كتحوط ضد التضخم.
وانهاردة الاثنين الموافق 22 يوليو 2025، سعر الدهب شهد انخفاض عن الأسبوع الماضي، وعيار 21 سجل 3285 جنيه.. وده غير سعر المصنعية طبعا، لكن كل التوقعات بتقول إن في زيادة مرتقبة خلال الشهور اللي الجاية.
طبعا كلنا عارفين إن الدهب هو سلعة ذات تأثير كبير في الاقتصاد العالمي، وسعره بيتحدد وفقا لسياسة العرض والطلب وكمان في شوية عوامل اقتصادية تانية في السوق العالمي بتؤثر عليه، ومع ذلك، يُنظر له على أنه أصل الاستثماري اللي بيحتفظ بقيمته على مر السنين، أو الملاذ الآمن للادخار.
لكن توقعات أسعار الذهب لسنة 2025 هي إلى حد كبير، رايحة للارتفاع، واللي بيأكد على كده هو تصريح بنك "جولدمان ساكس" بأن سوق السلع الأساسية الصاعدة التي لوحظت في العام الماضي من المرجح أن تستمر فب الارتفاع هذا العام وما بعده، وهنا البنك بيشير بالتأكيد للذهب.
ووفقًا لهذه الرواية، ممكن يوصل سعر أونصة الذهب إلى أعلى مستوى له على الإطلاق عند 2500 دولار بحلول سنة 2025، بالإضافة لكده، من المرجح أن تؤدي سياسة بنك الاحتياطي الفيدرالي الأكثر صرامة والانخفاض اللاحق في النمو الاقتصادي، إلى تحسين أداء الذهب كأصل استثماري محفوف بالمخاطر، وده بالإضافة إلى تحركات الدولار الأمريكي في ظل سيناريو التوتر الجيوسياسي.. وعشان كده الدهب هيلاقي نفسه في مكانه أعلى في سلة "الملاذ الآمن".
طب توقعات أسعار الذهب في مصر رايحة على كام، في الحقيقية الأسعار متوقع إنها هتتجاوز 5 آلاف جنيه، وممكن توصل أكتر من كده وفيه توقعات من تجار الصاغة إنه ممكن يوصل 7 آلاف جنيه .. فلو حابب تشتري دهب ماتترددش وانزل اشتري في أقرب وقت قبل ما الأسعار تتحرك تاني.
وفي النهاية، نقدر نقول عزيزي المشاهد، إن اللي قولناه ده عبارة عن من توقعات لأن سوق الذهب زي ما احنا عارفين "متقلب ومالوش كبير".
