لو محتار في الدهب.. شوف إيه اللي هيحصل في الأسعار بعد تثبيت الفايدة

طبعا كلنا شوفنا اسعار الدهب واللي حصل فيها الاسبوع اللي فات والارتفاعات الكبيرة اللي وصلت ليها أسعار العيارات.. يا تري اسعار الذهب هتفضل ترتفع الاسبوع ده كمان خصوصا بعد قرار البنك المركزي بتثبيت سعر الفايدة ولا اسعار الذهب هيحصل فيها حاجة جديدة..لو عايز تعرف كل ده شوف الفيديو ده للاخر
 

من بداية شهر يوليو الحالي، وكل يوم اسعار الدهب كل يوم في الطالع، زيادة في الاسعار وراها اليوم التاني زيادة جديدة في الاسعار وكان كل الكلام ان الزيادة دي بسبب الاجتماع اللي هيعقده البنك المركزي لمناقشة اسعار الفايدة.

ونهاية الاسبوع اللي فات البنك المركزي أعلن عن تثبيت سعر الفايدة للإيداع والإقراض لليلة واحدة وسعر العملية الرئيسية للبنك المركزي عند %27.25 و%28.25 و%27.75 على الترتيب، وقررت اللجنة الإبقاء على سعر الائتمان والخصم عند %27.75.

طيب ايه اللي هيحصل في اسعار الذهب في الايام اللي جاية هل هيواصل الارتفاع ولا هينزل تاني؟.

بعد قرار البنك المركزي بتثبيت سعر الفايدة، سعر الجنيه المصري شهد ارتفاعًا طفيف في قيمته مقابل الدولار الأمريكي، ده قلل جاذبية الناس علي شراء الذهب، وكل التوقعات دلوقتي بتأكد استمرار تحسن الاقتصاد المصري في الفترة اللي جاية، وده هيقلل الطلب على الذهب كمجال أمن للاستثمار.
خبراء صناعة الدهب، توقعوا استمرار اسعار المعدن الاصفر في الارتفاع في الايام والشهور اللي جاية بسبب زيادة الطلب علىه خصوصا انه بيعتبر أكتر وسائل الاستثمار امان في الوقت الحالي، وضغف اقبال الناس علي وسائل الاستثمار الثانية بسبب الصراعات الموجودة بين الدول وبعضها.

الخبراء اكدوا انه رغم قرار الفيدرالي الأمريكي بالابقاء علس سعر الفايدة مرتفعة وقوة الدولار والتباين في عوائد سندات الخزانة الأمريكية لمدة 10 سنوات، الا كل التوقعات بتقول إن متوسط سعر الذهب هيوصل لمستوى 2300 دولار للأونصة مع انتهاء الربع الثالث من 2024 وهيعدي مستوى 3 الاف دولار في الخمس سنين اللي جاية.
الخبراء قالوا كمان ان في شركات محلية وعالمية بتخطط لزيادة استثمارتها في التنقيب عن الذهب خصوصا مع توجه الدولة لزيادة الاستثمارات في قطاع التعدين بشكل عام، والارتفاع الكبير في اسعار الذهب عالميا ومحليا.
الخبراء اكدوا علي كلامهم بوجود توقعات بارتفاع اسعار الذهب خصوصا ان صناديق الاستثمار الأوربية رفعت حيازتهم للذهب ووصل 17.5 طن من الذهب في الشهر اللي فات، وكمان صناديق الاستثمار الآسيوية رفعت حيازاتها الجماعية من الذهب بمقدار 7.2 طن في شهر يونيو اللي فات، وده الشهر 16 على التوالي اللي صناديق الاستثمار الاسيوية تزيد فيه من حيازات الذهب، والصناديق الصينية اضافت رفعت تدفقاتها من الذهب لـ 429 مليون دولار من الذهب في شهر يونيو اللي فات ، وكمان الصناديق اليابانية رفعت هيا كمان استثمارتها من الذهب وده تزامن مع تراجع المعروض العالمي من المعدن الثمين وانهم شايفين ان الوقت الحالي هو الوقت المثالي للشراء والاستثمار في الذهب .