تطور خطير في الملف .. ايه اللى بيحصل في انتاج الغاز؟
![صورة ارشيفية]( /UploadCache/libfiles/5/7/600x338o/15.jpg)
يا ترى ايه اللى بيحصل فى ملف انتاج مصر من الغاز ؟ وليه الانتاج فى الفترة الأخيرة هبط لأقل مستوى ليه فى اخر 6 سنين؟ وايه تأثير ده على استهلاك مصر من الغاز وفاتورة الاستيراد؟
فيه تطور مهم جدا بيحصثل فى ملف الغاز المصري.. وفى الكام شهر اللى فاتوا انخفض إنتاج الغاز الطبيعي في مصر إلى أدنى مستوى ليه من أكتر من 6 سنين ، في الوقت اللي أدت فيه حرارة الصيف إلى زيادة الطلب على الوقود وسط أزمة انقطاع الكهربا وتطبيق خطة تخفيف أحمال بسبب نقص الغاز اللازم لتشغيل محطات انتاج الكهربا
وخلال شهر مايو اللى فات كان إنتاج مصر من الغاز بالقرب من أضعف مستوياته من فبراير 2018، وفقاً لأرقام مبادرة بيانات المنظمات المشتركة. والانخفاض ده بيشير الى أن مصر هتواجه صعوبة في تكرار طفرة تصدير الغاز اللي شهدتها من سنتين دي كمان ممكن ترجع تعتمد بشكل أكبر على واردات الغاز الطبيعي المسال.
وبعد ما كانت مصر مورد كبير لاوربا بقت مش قادرة على إنتاج ما يكفي من الغاز للحفاظ على أنظمة الكهرباء خلال فصل الصيف وبتشتري حاليا كميات كبيرة من الوقود لتلبية احتياجات محطات انتاج الكهرباء
وفى تصريحات ليه مؤخرا أكد رئيس الوزراء مصطفى مدبولي إن الاستهلاك اليومي للطاقة في مصر تجاوز 37 جيجا واط بزيادة 12% عن العام الماضي بنسبة عجز زصلت الى 4 جيجاوات وكشف ان الحكومة هتسرع مشروعات الطاقة المتجددة للمساعدة في سد الفجوة وتقليل واردات الطاقة.
وفي الوقت اللي بيزود الغاز معظم احتياجات الشبكة الكهربائية في مصر الحكومة بتسعى للحصول على 58% من احتياجاتها من الكهرباء من مصادر متجددة بحلول 2040، مقابل 20% حالياً لكن مصر عشان تعمل كده محتاجة تمويل كير لتحديث وتوسيع شبكتها لتشمل مواقع مشاريع الطاقة المتجددة.
واستلمت الحكومة مؤخرا خمس شحنات من أصل 21 شحنة من الغاز الطبيعي المسال طلبتها لفصل الصيف وخصصت 1.18 مليار دولار لواردات الطاقة الإضافية وقالت إنه ممكن تكون فيه حاجة إلى المزيد من شحنات الغاز اعتماداً على شدة حرارة الصيف.
وكشف وزير البترول كريم بدوي، الأسبوع اللى فات ، إن إنتاج النفط والغاز انخفض بنسبة تصل إلى 25% في اخر 3 سنين وقال أن أحد الأسباب هو زيادة المتأخرات المستحقة لشركات النفط الأجنبية، وان دي أدى إلى تباطؤ برامج التنقيب والتطوير لكن مؤخرا المشكلة بدأت تتحل مع بدء سداد مستحقات الشركات
وانخفض الإنتاج في حقل غاز "ظهر" العملاق بحوالي التلت من 2019 وفقاً لشركة "إيني"، اللي عندها حصص في الحقل.