ليه الذهب أسعاره بتزيد.. وتوقعات يوصل لكام في الايام اللي جاية
![الذهب]( /UploadCache/libfiles/5/6/600x338o/988.jpg)
الذهب كل يوم في الطالع والاسعار كل يوم بتزيد عن اللي قبله.. ومحدش عارف ليه الذهب سعره بيزيد خصوصا ان اسعار العملات الاجنبية مستقرة في مصر، ومفيش فيها جديد.. علشان كده الناس مستغربة من الارتفاع ده.. لو عايز تعرف ليه الذهب سعره بيزيد عندنا هنا في مصر شوف الفيديو ده للآخر
علي مدار اكثر من اسبوع كامل واسعار الذهب كل يوم في زيادة جديدة، وخلال الاسبوع اللي احنا فيه عيار 21 واللي هو الاكثر مبيعا في الاسواق زاد اكثر من 100 جنية، والزيادة دي متحققش في مصر من فترات بعيدة وتحديدا من يوم ما الحكومة اخذت وقعت عقود الاستثمار السياحي في راس الحكمة واللي كانت معاها اصلاحات اقتصادية كبيرة في اسعار الصرف والقضاء علي السوق السودا في التجارة بالعملات .
طيب ليه اسعار الذهب رفعت عندنا هنا في مصر ؟.
السبب الرئيسي في ارتفاع اسعار الذهب بشكل كبير هو بيانات التضخم الأمريكية عن شهر يونيو اللي فات، خصوصا أن الاقتصاد الأمريكي أعلن عن تراجع مؤشر أسعار المستهلكين على أساس سنوي بنسبة 3.0% مقارنة مع القراءة السابقة اللي كانت مرتفعة بنسبة 3.3%، بالاضافة الي تراجع المؤشر الأساسي اللي يستثني عوامل التذبذب وبيراقبه البنك الفيدرالي للمستوى 3.3% على أساس سنوي من القراءة السابقة بنسبة 3.4%.
طيب هل في اسباب تاني لارتفاع اسعار الذهب في مصر ؟.
مصلحة الجمارك المصرية نفت علاقتها بارتفاع أسعار الذهب، وأن المصلحة رجعت العمل بالتعريفية القديمة اللي كانت الدولة شغالة بيها قبل كده واللي كانت بتوصل لتحصيل 5% من قيمة السلع علي واردات الذهب مع المسافرين اللي جايين مو الخارج واللي أشتروا بالفلوس اللي معاهم ذهب بغرض الاستثمار أو الاحتفاظ بفلوسهم في حاجة بتكسب، ده غير 14% ضريبة القيمة المضافة
المصلحة قالت كمان أنها رجعت تطبيق التعريفة القديمة علي واردات الذهب مع المسافرين اللي جايين من برا من يوم 11 مايو اللي فات، وده بعد خلصت المهلة واللي وصلت ل 6 شهور من قرار رئاسة مجلس الوزراء بمنح إعفاء جمركي علي واردات الذهب مع المواطنين اللي جايين من برا مصر .
طيب اية نصائح خبراء الذهب المواطنين في شراء أو بيع الذهب في الوقت الحالي؟.
كل خبراء المشغولات الذهبية أكدوا الي المواطنين اللي عايزين يشتروا ذهب بالنزول فورا لشراء الذهب من الأسواق خصوصا أن كل التوقعات بتقول أن أسعار الذهب هترفع في الأيام اللي جاية بشكل أكبر من الأسعار الموجودة حاليا في الاسواق خصوصا مع الإقبال الكبير من المواطنين لشراء الذهب خصوصا أن الذهب من أكثر وسائل الاستثمار الاكثر امان في الوقت الحالي .
الخبراء نصحوا المواطنين كمان اللي معاهم ذهب وعايزين ينزلوا يبعيوه بالتاني شوية في عملية البيع خصوصا أن الذهب كل ما يقعد كل ما أسعاره هتزيد أكثر واكثر وقالوا مقولتهم الشهيرة عن الذهب أنه زينة وخزينة وأنه عمره ما كان خسران الي مر السنين، وتوقعوا أن أسعار الذهب تعدي 4 آلاف جنيه في الوقت القريب اللي جاي .