لو عندك حلم أو فكرة مشروع ومرتبك بيبدأ من 500 جنيه.. شوف شروط قرض الشباب من البنك الأهلي

لو انت شاب وعندك حلم يكون ليك شغل خاص بيك وعندك فكرة وعايز تحققها وتكبر معاها وتكون زي الشجرة اللي كل يوم تكبر قدام عنيك.. يبقي الفيديو ده ليك انا هقولك علي الحل والطريقة والشروط بس خليك معانا للآخر
 

الشباب حاليا هو اكتر فئة مطحونة في الوقت الحالي خصوصا الشباب اللي عندهم حلم وعندهم طموح وفي دماغهم فكرة وأمل لبكرة عايزين يحققوا بسبب الظروف الاقتصادية الكبيرة اللي كل الاسر المصرية عايشين فيها واللي للأسف خد أي حد عايز يبدأ مشروع ولا يحلم بحقيق فكرة قدامه عقبات وطريق طويل وصعب ومش أي حد يقدر يمشيه.
وبالرغم من كل الظروف والعقبات اللي بتحطها الظروف قدام الشباب ولكن فيهم ناس عندها روح ومثابرة لتحقيق حلم، والنوع جه الشباب البنوك جهزت لهم قرض خاص بيهم اسمه قرض الشباب، والنوع ده من القروض هدفه زيادة الدخل القومي في الدولة من الشباب من خلال مساعدتهم في افتتاح مشاريعهم الخاصة.
وتماشيا مع رؤية الدولة، البنوك عملت قروض الشباب واللي طبعا بتختلف وفقا لاحتياجات كل فرد فيهم وفيها اللي قروض صغيرة وقروض متوسطة وقروض كبيرة، والهدف من القروض دي هو القضاء على البطالة، وواحد من اهم البنوك دي هو البنك الأهلي واللي اعلن عن تقديم قرض الشباب.
طيب اية هيا شروط البنك الأهلي لتقديم قرض الشباب ؟.
البنك الأهلي أعلن عن تقديم قروض للشباب لتمويل مشروعاتهم سواء كانت كبيرة أو صغيرة، واجمالي القروض دي بتبدأ من 5 الآف جنية وبتوصل لحد 500 ألف جنية، والنبك اشترط علي العملاء او الشباب الموظفين ضرورة التعاقد مع الشركة اللي العميل أو طالب القرض شغال فيها لتحويل المرتب أو جزء منه كل آخر شهر على البنك، وكمان البنك أعلن عن إمكانية وصول القرض لمليون جنية في حالة لو البنك أخذ ضمان من الشركة بتحويل نهاية مكافأة الخدمة عليه.
مش كده بس، لا ده البنك الأهلي اشترط كمان علي العملاء من طالبي الحصول علي قرض الشباب أن يكون سنهم ميقلش عن 21 سنة وميزدتش عن 60 سنة وقت دفع آخر قسط، ويكون أقل دخل ثابت 500 جنيه .
البنك الأهلي حدد كمان الأوراق المطلوبة للحصول علي القروض وهيا صورة من البطاقة الشخصية وتكون سارية وصورة من وصل كهرباء أو غاز أو مياه خاص بالعميل، وكمان حدد لو العميل مش عايز يحول المرتب علي البنك هيكون الحد الأدني للقرض بيبدأ من 5 الآف جنية ولحد 30 الف جنية بس وفي هذه الحالة لازم يكون الراتب ميقلش عن 1000 جنيه ثابت.