جهز فلوسك وأوراقك.. أخيرا الإسكان تعلن موعد الطرح الجديد لشقق سكن لكل المصريين
![سكن المصريين]( /UploadCache/libfiles/5/6/600x338o/936.jpg)
شقق الاسكان سكن لكل المصريين واحدة من الحاجات اللي عليها بحث كبير جدا دلوقتي من كل طوائف الشعب المصري.. وامتي الدولة هتفتح باب الحجز للوحدات الجديدة واسعارها هتوصل لكام.. لو عايز تعرف كل تفاصيل حجز شقق الاسكان الاجتماعي الجديدة يبقي التقرير ده ليك
الاوضاع الاقتصادية والظروف اللي كلنا بمر بيها والاسعار الغير معقوله واللي وصلت لها العقارات في مصر، خلت الناس وخصوصا الشباب اللي بيدور علي شقة علشان تيجوز أو يبدا حياته مش عارف يتحرك خصوصا ان اقل سعر شقة دلوقتي في اي مكان كويس بيبدأ من مليون جينة، واكيد الرقم ده استحالة يكون مع اغلبنا، علشان كده شقق الاسكان الإجتماعي بتكون هيا الحل خصوصا ان مقدمها معقول والقسط بتاعها الشهري علي قد الايد.
طيب اية هيا اخر اخبار الطرح الجديد لشقق الاسكان الإجتماعي؟.
علشان نكون علي نور، لحد اللحظة دي وزارة الاسكان ما اعلنت عن الموعد النهائي للاعلان الـ18 لشقق سكن لكل المصريين، واللي هو الاعلان الجديد لشقق الاسكان واللي كل الناس في انتظاره حاليا، والمتوقع بتاعه انه هيكون علي أول السنة الجديدة أو اخر شهر في سنة 2024، ولو انت مستني الاعلان الجديد لشقق الاسكان يبقي تبدأ من دلوقتي تجهز ورقك وتستعد علشان تقدم فيه.
وزارة الإسكان طالبت المواطنين اللي عايزين يقدموا في الطرح الجديد لشقق سكن لكل المصريين 2024 متابعة تفاصيل الحجز وكراسة الشروط والأسعار والمساحات وشروط الحجز وطريقة التقديم والأوراق المطلوبة للحجز من علي موقع وزارة الإسكان أو صندوق الإسكان الاجتماعي.
طيب اية هيا الاوراق والشروط اللي حددتها الدولة للتتقديم في الاعلان الجديد لشقق الاسكان؟.
وزارة الأسكان اشترطت علي الناس اللي عايزة تقدم في الإعلان الجديد لشقق الإسكان الاجتماعي ان يكون عمره ميقلش عن 21 سنة وميكونش كبير عن 51 سنة، اما بالنسبة لأصحاب المعاشات فميكونش المتقدم كبير عن 75 سنة كحد أقصي، وكمان ميكونش استفاد في وقت قبل كده من شقق الإسكان الاجتماعي، وتقديم مستند الإقامة بما يتناسب مع الوحدات المتاحة بأقرب مدينة جديدة سواء محل الإقامة أو محل العمل، وكمان تقديم إثبات بحصوله على راتب ميقلش عن 2700 جنيه وميزدتش عن 7000 جنيه سواء كان أعزب أو متزوج.
اما عن الأوراق اللي حددتها الدولة لقبول المتقدمين في الأعلان الجديد فهيا صورة بطاقة الرقم القومي للمتقدم وزوجته وتكون سارية، وكمان تقديم قسيمة الزواج ده غير تقديم شهادة ميلاد الأبناء لو المتقدم عنه أولاد، وتقديم مفردات مراتب الزوجة، ولو مش شغالة هتقدم اللي يأكد كده، وكمان هتقدم مستندات إثبات الدخل ويكون الدخل المحدد في المستند هو صافي الدخل الشهري، وتقدم إيصال سداد مقدم الحجز، ده غير طبعا تقديم مصروفات التسجيل اللي تم الحصول عليه وقت السداد في البريد.