حكاية النفط الأصفر في مصر.. مورد جبار للدولار
![صورة ارشيفية]( /UploadCache/libfiles/5/6/600x338o/886.jpg)
في الخليج النفط هو مصدر الثروة والاقتصاد لكن مصر عندها ثروة مشابهة تقدر تقول عليها نفط بس أصفر.. إيه الحكاية وايه هو النفط الاصفر وليه مصر بدأت اكبر خطة في تاريخها لاستخراجه وتأثيره على الدولار.. كل الاسئلة دي هنعرفها في التقرير خليكم معانا للأخر
معروف في مصر القديمة إن الدهب في مصر كان زي التراب في الشوارع وده موثق في المعابد والبرديات وكان المصريين أول ناس اكتشفو الدهب وعرفوا ينحتو الجبال ويطلعوه وأغلب المناجم لسه موجودة لغاية دلوقتي ودا معناه إن مصر عايمة على مناجم دهب وكل اللي بتعمله الحكومة دلوقتي إنها تدور عليه وتستخرجه ودا بعد التطور الكبير في تكنولوجيا التنقيب.
وأهمية الدهب إنه بيعتبر عملة ضمن احتياطي الدول واللي يملكه يبقي بيملك الأمان المالي ونمصر قررت تغير خريطة الدهب في المنطقة وبدأت أكبر خطة للتنقيب عنه.. وزير البترول والثروة المعدنية طلع من ساعات وقال إن مصر أنتجت السنة اللي فاتت 560 ألف أوقية من الدهب وحوالي 17.5 مليون طن من المعادن التانية ومخطط توصل إلى 800 ألف أوقية من الدهب و30 مليون طن من المعادن الأخرى خلال 2030.
الوزير اتكلم كمان عن الإمكانات الكبيرة لقطاع التعدين المصرى واللي بيدعمها بقوة برنامج الإصلاح الاقتصادي وإن فيه خطة بتتنفذ دلوقتي لتحقيق أكبر قدر ممكن من القطاع الحيوي ده وجذب استثمارات عالمية ضخمة للتنقيب عن الدهب وباقي المعادن المهمة
و عشان مصر تهيء الظروف لانطلاق قطاع التعدين وحذب الاستثمارات الأجنبية صدر القرار بتحويل الهيئة المصرية العامة للثروة المعدنية لكيان اقتصادي لتعزيز كفاءة العمل ودعم اتخاذ القرار بخلاف طرح المزيد من مزايدات الاستثمار في البحث واستخراج الدهب والمعادن المصاحبة بصورة دورية والعمل علي الإسراع بالمشروعات الرقمية وخفض الانبعاثا.
وسبق وأعلنت وزارة البترول والثروة المعدنية توقيع عقد للتنقيب عن الدهب وغيره من المعادن مع شركة أتون مايننج الكندية في منطقة أبومروات بالصحراء الشرقية وده بعد تحقيقها كشف تجاري للجهب بمنطقتي حمامة غرب ورودرين بمنطقة إمتياز "أبومروات" .
كمان الحكومة وقعت عقد مع مع شركة (إيه.كيه.إتش جولد) البريطانية للبحث عن الدهب على مساحة 350 كيلو متر مربع بمنطقتي "بئر أسل" و"جبل الميت" بالصحراء الشرقية، ضمن توسع الشركة البريطانية في الاستثمار في البحث عن الذهب فى مصر بعد فوزها بعدد من المناطق فى المزايدة العالمية للبحث عن الذهب بجولتيها الأولى والثانية.
كمان النهاردة مارتن هورجان الرئيس التنفيذي لسنتامين العالمية ودي الشركة المشغلة لمنجم السكرى قال إنه متوقع إنتاج 5 مليون أوقية دهب من منجم السكري في المسقبل وقال كمان إن منجم السكري يعد أفضل نموذج فى العالم وبه احتياطيات هائلة من الدهب، ومستمرون فى تطويره وضخ استمارات جديدة بالتعاون مع الحكومة المصرية وهو شايف إن مصر من الوجهات المستهدفة لكبرى الشركات العالمية العاملة في مجال التنقيب نظرا لما تتميز به من مزايا قادرة على استغلال هذا القطاع الواعد وإن مصر هتحقق طفرة كبيرة في ثروتها من الدهب