بتوصل لـ30 مليون جنيه.. شروط قروض الأوقاف

كلنا عارفين أن القروض واحدة من اهم الخدمات اللي بتقدمها البنك للعملاءن لكن عمرك سمعت أن وزارة الأوقاف بتقدم هيا كمان قروض وبتوصل لـ30 مليون جنية.. لو عايز تعرف اية حكاية القرض ده وتفاصيله ايه اقرأ هذا التقرير للأخر

كلنا عارفين ان اي حد بيحتاج قرض بيروح للبنوك، وده شئ عادي ومعروف لكل الناس.. لكن عمرك سمعت أن وزارة الأوقاف هيا كمان بتقدم قروض للعملاء بارقام كبيرة بتوصل لـ30 مليون جنية.
ايوة زي ما سمعت كده، وزارة الأوقاف بتقدم قروض بتوصل لـ30 مليون جنية للموظفين بالوزارة وكمان الموظفين في كل قطاعات الدولة بشرط أنهم يحولوا راتبهم علي بنك مصر خصوصا أن الوزارة عندها وديعة باسمها في حسابات البنك، والبنك هو اللي بيحدد المبلغ اللي هيتصرف لصاحب القرض، بشرط ان العميل أو الموظف يسدد القرض اللي هياخذه علي 60 شهر، وهيوصل معدل الخصم من لراتب للربع شهريا.
طيب اية الشروط اللي حددتها وزارة الأوقاف لتقديم القروض للعملاء؟.
وزارة الأوقاف زيها زي اي بنك حدد شوية شروط لتقديم القروض للعملاء وهيا أن العميل أو الموظف اللي عايز القرض يصرف استمارة قرض للعاملين بالجهاز الإداري للدولة والقطاع العام أو طبعها من موقع الوزارة على الإنترنت، ويقدم معاها بيان مفردات مرتبه وشرط أنه يكون معتمد بختم شعار الجمهورية، وهيروح يسليم الاستمارة للإدارة العامة لشئون البر بوزارة الأوقاف، وكمان يقدم مع الاستمارة صورة بطاقة الرقم القومي، وكمان هيقدم مع الاستمارة وصورة البطقاة وبيان مفردات المرتب مستند عن اسباب تقديمه للقرض يعني مثلا لو كان لسبب طبي فالعميل أو الموظف هيقدم تقرير طبي ولو علشان يتجوز هيقدم قسيمة زواج جديدة بتاكد سبب تقدمه للحصول علي القرض.
طيب اجمالي القيمة اللي بيقدمها البنك للعملاء أو الموظفين بتوصل لكام؟.
في الظروف العادية وزارة الأوقاف سابت حته تحديد المبلغ اللي هتقدمه للعملاء أو الموظفين وفقا لحرية البنك واللي بيكون في الغالب بتوصل لـ 3  شهور من الراتب الأساسي في الحالات العادية، و4 شهور من الراتب الأساسي في حالات المرض والزواج بس لازم ميكونش فات على قسيمة الزواج أكثر من سنتين، اما بقي للعاملين اللي من خارج وزارة الاوقاف فالبنك اشترط تحويل الراتب على بنك مصر وفي الحالة دي البنك هيخصم من كل عميل متقدم بطلب الحصول علي القرض ربع الراتب الشهري