انقلاب في سوق الصرف.. مفاجأة سعيدة عن مستقبل الدولار فى مصر

يا ترى ايه اللى بيحصل فى سوق صرف العملات الأجنبية فى الفترة الأخيرة؟ وسعر الدولار فى مصر رايح على فين هل هيزيد ولا هينخفض؟ وهل كده السوق السودا انتهت للأبد ولا ممكن ترجع تانيب فى أي وقت؟

فى الفترة الأخيرة بتشهد عملات الأسواق الناشئة انتعاشة قوية وسط تباطؤ معدلات التضخم العالمي وكمان مع التوقعات اللي بتشير لاتجاه البنوك المركزية إلى التوقف عن السياسة النقدية المتشددة والاتجاه إلى خفض أو تثبيت أسعار الفائدة.

وفيه توقعات قوية بتشير إلى خفض الفيدرالي الأمريكي أسعار الفائدة مع اقتراب مؤشر أسعار المستهلكين «التضخم» من المستهدف اللي حدده صناع السياسة النقدية فى الولايات المتحدة.

ووفقا لكتيرمن الخبراء فالجنيه المصري من بين العملات اللي بتشهد تحسن ملحوظ أمام الدولار وسط توقعات بمزيد من صعود العملة المصرية خلال الفترة الجاية مع ضخ مزيد من الاستثمارات الأجنبية وتوفير سيولة من العملة الصعبة من تحويلات المصريين العاملين في الخارج، وده بيعزز من قوة الجنيه المصري أمام العملات الأجنبية.

وعدد كبير من شركات الأبحاث الدولية شايفة  أنه مع التدفقات النقدية اللي حصلت عليها مصر من صفقة رأس الحكمة بالإضافة للحصول على حزم تمويلية من المؤسسات الدولية والاتحاد الأوروبي، هيكون ليها تأثير على تحركات الدولار أمام الجنيه ليصل إلى مستويات ما بين 43 أو 44 جنيهً خلال شهور قليلة جدا.

طب ايه علاقة توقعات خفض قيمة الدولار مع اللى بيحصل فى سوق صرف العملات الأجنبية؟

من بعد 6 مارس اللى فات والاجتماع التاريخي للجنة السياسة النقدية فى البنك المركزي وقرارها التاريخي بتحرير سعر صرف الجنيه أمام العملات الأجنبية وترك تحديد سعره لقوانين السوق والعرض والطلب وفيه انقلاب حصل حرفيا فى سوق الصرف وبعد ما الدولار كان وصل لمستويات فوق ال 70 جنيه فى السوق الموازية رجع تانى وانخفض الى مستويات من 50 وصولا الى 48 جنيه دلوقتى

وتزامنا مع قرار تحرير سعر الصرف وصول تدفقات نقد اجنبي بكميات كبيرة كان أهمها 35 مليار دولار فى اتفاقية الشراكة لتطوير منطقة راس الحكمة بين مصر ودولة الامارات الشقيقة وده تحديدا اللى ساعد فى نجاح خطوة تحرير سعر صرف الجنيه لأن لو حصل تعويم ومكنش فيه سيولة دولارية تغطي كان ممكن الدولار فى السوق السودا يوصل ل 100 جنيه

ايوه يعنى كده الدولار هينخفض الفترة الجاية ؟

بص الموضوع مش امنيات خالص والاقتصاد واحد زائد واحد ياوي 2 والمقدمات دايما بتقود الى النتايج واللى حاصل دلوقتى بيقول فعلا ان الدولار هينخفض بصورة ملحوظة الفترة الجاية والتوقعات بتقول ان الدولار سعره هينزل لحدود ما بين 43 الى 45 جنيه مع استمرار تدفق السيولة الدولارية على مصر ونجاح الحكومة فى جذب مزيد من الاستثمارات الأجنبية خلال الفترة الجاية