إلا رغيف الغلابة.. توجيهات رئاسية عاجلة لحكومة مدبولي

من سنين طويلة ومصر معروفة أنها بلد زراعية من المقام الأول الفاكهة والخضراء اللي يخرج من ارضها مفيش زيه في العالم، وفي الفترة الرئاسية الجديدة الحسابات مختلفة تماما.. والاهداف غير.. يا تري الحكومة عايزة تعمل اية في الاستصلاح الزراعي والتصدير للخارج

قولنا لحضراتكم هنا ان الفترة الرئاسية الجديدة هتختلف تماما عن اي فترة فاتت قبل كده خصوصا ان المسئولين عندنا اتعلموا من الفترة اللي فاتت، وازمة نقص العملات اللي حصلت في مصر علي مدار الشهور اللي فاتت مش ممكن تتكرر تاني ولا ممكن الحكومة ولا القيادة المصرية تسمح به تاني.
طيب اية اللي بتعمله مصر علشان تحقق الامن الغذائي وكمان تصدر للخارج؟.
التكليفات الرئاسية للحكومة المصرية أنه مصر يحصل عندها اكتفاء ذاتي من كل المحاصيل الرزاعية خصوصا ان الهدف الرئيسي للدولة هو تقليل فاتورة الاستيراد بكل اشكالها وزيادة فاتورة التصدير.
الحبوب وخصوصا القمح واحد من اهم الحاجات اللي الدولة بتدفع فيها ارقام كبيرة جدا وبالدولار خصوصا ان مصر أول وأكبر دولة في العالم بتستورد قمح من الخارج علشان تأمن رغيف الخبز للمواطنين وعلشان كده الدولة علي مدار السنين اللي فاتت اعلنت عن استراتيجية كبيرة لاستصلاح الاراضي الزراعية وتجهيزها لزارعة المحاصيل المختلفة وخصوصا القمح، واللي فعلا كان لها مفعول السحر في تقليل الكميات اللي مصر بتستورها من الخارج علشان ميحصلش في مصر ازمة نقص في رغيف العيش.
طيب هل مصر شغالة علي تامين رغيف العيش بس ولا في حاجة تاني؟.
لا طبعا.. زي ما الدولة شغالة علي تامين رغيف خبز المواطنين..شغالة كمان علي زيادة الصادرات الرزاعية خصوصا ان مصر عندها منتجات زراعية مطلوبة من كل دول العالم زي البصل المصري واللي عليه طلب عالمي في الاستيراد واللي وصل اجمالي الكميات اللي صدرتها مصر في الاسبوع اللي فات بس لـ20 ألف طن وبعده جت البطاطس واللي وصل اجمالي التصدير منها لحدد دلوقتي لـ 15 ألف طن، وباقي أصناف الخضروات واللي بتوصل لـ66 صنف بإجمالي 50 ألف طن.
مش الخضروات بس اللي مصر بتصدرها للخارج، لا ده كمان فيه الموالح واللي بتتصدر قائمة الفواكه المصدرة للخارج، واللي وصلت لـ 20 ألف طن، ده غير تصدير العنب واللي وصلت اجمالي تصديرها الاسبوع اللي فات بس إلي 11 ألف طن والفراولة واللي وصل تصديرها لـ 10 آلاف طن ووصل اجمالي اصناف الفواكهة اللي صدرتها مصر للخارج لـ 65 صنف بنحو 45 ألف طن.
طيب مين هيا الدول اللي بتستقبل اكبر كمية من المنتجات الزراعية المصرية؟.
الدول العربية هيا اكبر دول بتطلب كميات كبيرة من المنتجات الزراعية المصرية، واول واكبر دولة بتطلب محاصيل زراعية مصرية هيا السعودية وبعدها السودان وبعدهم ليبيا ثم روسيا ، وحاليا في اكثر من 170 دولة بتستورد منتجات مصرية زراعية مختلفة حول العالم .