يا ترى إيه المفاجأة الجديدة اللي بيحضرها كامل الوزير للشعب المصري؟
![كامل الوزير]( /UploadCache/libfiles/5/6/600x338o/820.jpg)
يا ترى إيه المفاجأة الجديدة اللي بيحضرها كامل الوزير للشعب المصري، وهل هيعلنها دلوقتي ولا مستنى شوية بعد ما يثبت أقدامه في وزارة الصناعة؟ .. هنعرف التفاصيل في الفيديو ده تابعونا للنهاية
المفاجأة باختصار.. هتكون خاصة بالسكة الحديد، وهي افتتاح محطة قطارات جديدة هتخدم الملايين من ركاب القطارات يوميا.
بص يا سيدي، في الأيام الأخيرة، لمحت وزارة النقل ممثلة في هيئة السكة الحديد بقرب افتتاح محطة قطارات بشتيل، اللي نفذتها عشان تكون بديلة لمحطة مصر، ومخصصة لركاب الصعيد.
وفي الوقت ده، كترت تساؤلات ركاب الصعيد على السوشيال ميديا، عن موعد افتتاح محطة بشتيل، وهل ممكن ترتفع أسعار التذاكر ولا هتفضل زي ما هي؟.. احنا هنقولك التفاصيل
فعلا وزارة النقل، بتخطط دلوقتي لافتتاح محطة بشتيل الجديدة، عشان تكون مخصصة لركاب خطوط الصعيد والمناشي، وكمان عشان تخفف الزحام عن محطة مصر في رمسيس.
ومن المرجح افتتاح المحطة رسميا - وفقا للمصادر- خلال شهر أغسطس الجاي..
وللي مايعرفش، محطة بشتيل مقامة على مساحة 239 ألف متر مربع تقريبا، يعني تقريبا ما يعادل 57 فدان.
مبني المحطة الرئيسي مساحته 31 الف م2 بإجمالي مساحة بنائية 112 الف م2 وملحقات المحطة من مباني خدمية وورش صيانة وأرصفة وكذلك خطوط سكك حديدية علي مساحة 164 الف م2، وكمان في عمارات إستثمارية على مساحة 44 الف م2.
أما عن سعة محطة بشتيل، فمن المتوقع أن الطاقة الإستيعابية بتاعتها هتوصل 250 ألف راكب يومياً.
وموقع المحطة موجودة في منطقة وسطية بين محطتي سكك حديد رمسيس، ومكانها بيعتبر منطقة إلتقاء خطوط السكك الحديدية الرئيسية بمصر ( السد العالي / الأسكندرية – إمبابة / المناشي / القباري )
كمان المحطة بتقع على 4 محاور رئيسية عشان تسهل نقل الحركة منها وإليها، وهي : ( محور الفريق كمال عامر / شارع السودان / محور أحمد عرابي وشارع المطار – محور 26 يوليو )
محطة بشتيل هتربط وسائل نقل تانية تانية بيها، وهي غير السكة الحديد،، الخط الثالث لمترو الانفاق، والمونوريل، واتوبيسات ترددية هاتشتغل على الطريق الدائري قريب.. إذن هي محطة متكاملة.
المحطة الجديدة بتضم 4 أرصفة لخدمة ركاب الوجه القبلي بعدد 6 خطوط منها خطين لأسوان / اسكندرية، وخطين للمناورة، وخطين للقطارات المنتهية في المحطة والقادمة من الوجه القبلي.
ويوجد في المبنى الرئيسي بدروم، بيستخدم كجراج يسع 250 عربة بالإضافة إلي جراج مخطط أسفل المنطقة السكنية التجارية الإدارية يسع إلى 500 عربة ومخطط جراج، وكمان واحد كمان متعدد الطوابق في منطقة المطار لخدمة الركاب كما سيستخدم كموقف للاتوبيسات يسع ١٠٠٠ سيارة .
الدور الأرضي لمحطة بشتيل، فيه مول تجاري متكامل بالدورين الاول و الثاني و أماكن ادارية بالدور الارضي خاصة بالعاملين بالمحطه
وبالنسبة لحجز التذاكر، فموجود 28 شباك تذاكر للركاب، والمحطة كمان مزودة بدورات المياه ومنطقة الهرم الزجاجي بالبهو الرئيسي للمحطة واللي بيوصل ارتفاعه لـأ 40متر ويوجد بداخله 4مسلات.
محطة بشتيل بتقدم خدمات مميزة لركاب الصعيد والمناشي، عشان كده هتكون محطة ذكية تبادلية عملاقة ذات طابع فرعوني وذات مستوى عالمي من الخدمات.
كمان بتحتوي على شاشات إرشادية للراكب وبوابات تذاكر إلكترونية وماكينات TVM وكاميرات مراقبة وهي محطة مكيفة الهواء في كافة طوابقها وبها خدمة Wi-Fi كما ستشمل على نظام حديث للإطفاء والإنذار، لتقدم خدمة متكاملة وذكية ومتميزة للركاب قريبا.
طب السؤال هنا اللي طرحه ركاب كتير.. هل بعد افتتاح بشتيل هترتفع أسعار تذاكر القطارات خاصة قطارات الصعيد؟.. زي ما بيحصل مع افتتاح محطات مترو جديدة؟
وفقا لمصادر مسئولة في وزارة النقل، مافيش رفع لأسعار تذاكر القطارات دلوقتي، وخاصة بعد افتتاح محطة بشتيل.. يعني اطمنوا.
وفي نهاية الفيديو، عزيزي المشاهد.. لو أنت من ركاب الصعيد.. هتجرب تركب من بشتيل ولا هتسافر كالعادة من محطة مصر؟