طواري في البنوك وقرار خطير في الطريق.. ايه اللي هيحصل
![الدولار]( /UploadCache/libfiles/5/6/600x338o/778.jpg)
البنوك هتدخل حالة طواريء وترقب على مدار الايام الجاية وشكلها فيه قرارت مهمة هتتاخد .. ايه هي القرارات دي وايه علاقتها بالبنك المركزي واجتماع الخميس اللي جاي.. تابعونا هنعرف التفاصيل هنا .
كل البنوك في مصر دلوقتي بتستعد للمرحلة اللي بعد قرار لجنة السياسة النقدية في البنك المركزي المصري، في اجتماعها الخميس اللي جاي بخصوص سعر الفايدة على الجنيه.. طيب ليه البنوك مستنية قرار الفايدة؟.. عشان طبعا تعيد تسعير بعض منتجات الادخار عندها وخاصة الشهادات مرتفعة العايد وفايدة الاقتراض والكلام هنا تحديدا عن شهادات الادخار اللي فايدتها كبيرة واللي طرحتها بعض البنوك من حوالي 6 شهور وطبعا بتكلف البنوك سيولة وتكلفة عالية جدا وعشان كده فيه تفكير جدي المرة دي إن البنوك هتخفض سعر العايد على شهادات الفايدة الكبيرة.
طيب الشهادات دي العائد بتاعها كام؟.. أغلب الشهادات دي بتتراوح أسعار الفايدة عليها في بنوك مصر بين 22 و30 في المية وحسب اختلاف الآجال يعني من سنة و3 سنين بخلاف دورية صرف العائد يعني فيه عملاء بيصرفو بشكل شهري وربع سنوي ونص سنوي وسنوي وفيه بيصرف كل الفايدة مع أصل المبلغ على حسب رغبة العميل.
وقالت مصادر مصرفية، إن أغلب البنوك تستعد لإعادة تسعير الفائدة على منتجاتها الادخارية، وذلك بعد قرار لجنة السياسة النقدية المقرر انعقاده الخميس بعد المقبل 18يوليو الجاري.
ياترى التوقعات بتقول إيه بخصص مصير الشهادات د؟
أغلب المصادر في البنوك بتتوقع إجراء البنوك خفض تدريجي على شهادات الادخار الأسابيع الجاية دون وقفها نهائي، وده طبعا بينطبق على عمليات الشراء الجديدة للشهادت وتوقعت المصادر خفض الفايدة على الشهادات العالية بين1 و2% وخاصة إن مستويات التضخم لسه مرتفعة وده بيودينا في ناحية إن المركزي لسه مش هيخفض سعر الفايدة دلوقتي لكن احتمال كبير يثبتها وده هيحافظ على قوة الجذب لشهادات الادخار على عكس لو لجنة السياسة النقدية قررت تخفضها وهنا المدخرات والسيولة هتهرب للاستثمار في حاجة تانية عوايدها أكتر زي الدهب مثلا.
طيب إزاي البنوك بتسعر منتجاتها الادخارية؟
خبرا الأوراق المالية شايفين إن تحديد العايد على منتجات الادخار المختلفة في البنوك بيكون نتجية دراسات مستفيضة خاصة بكل بنك حولين معدلات السيولة والمستهدف منها والمنافسة وتكلفة الأموال وغيرها من المعايير اللي بتحددها إدارات الأصول والخصوم بكل بنك.. لكن فيه شبه إجماع إن عوائد الشهادات الادخارية بقت مكلفة جدا ومرهقة للبنوك خاصة مع استمرارها لفترة طويلة.
وفيه رأي تاني شايف إن عنصر المنافسة من أكتر العناصر اللي بتتخذها البنوك في اعتبارها عند تسعير شهاداتها ومنتجات الادخار حفاظا على قاعدة العملاء يعني عشان العميل مايهربش والفريق ده نفسه شايف إن قرار البنك التجاري الدولي بخفض فايدة الشهادات الادخارية بداية لمزيد من التراجعات في البنوك التانيى في الفترة الجاية، ومن غير كمان الارتباط بقرار البنك المركزي حال الإبقاء على أسعار الفائدة.