عاوز تقبض 5000 دولار كل سنة.. مفاجأة من البنك الأهلي
![البنك الاهلي المصري]( /UploadCache/libfiles/5/6/600x338o/754.jpg)
ناس كتير مش واخدة بالها من الحدمات البنكية اللي بتقدمها بعيد عن الجنيه المصري وميعرفوش إن البنوك بتقدم مزايا كبيرة على الحسابات المصرفية بالعملات التانية.. لو عاوز تقبض 5 الاف دولار في السنة .. خليكم معانا للأخر
فيه حاجة اسمها الوديعة الثلاثية الدولارية ولللي بتعتبر أهم منتجات الادخار اللي بتقدمها البنوك المصرية حاليا والوديعة دي بتعتبر فرصة كبيرة للي عاوز يستثمر في مدخراته بالعملة الأجنبية وخاصة الدولار..
هنقولكم على تفاصيل الوديعة الثلاثية الدولارية داخل البنك الأهلي المصري تحديدا بسبب المزايا الكتير اللي بيقدمها في النوع ده من الاستثمار.
شوف ياسيدي الحد الأدنى للوديعة 1000 دولار وبتكون لمدة 3 سنين وهي دورية العائد شهريا أو ربع سنوي أو نصف سنوي أو سنوي بفايدة 5% شهريا و 5.25% في الوديعة ربع سنوي وبتوصل لـ 5.35% نصف سنوي و في السنة بيوصل عائد الوديعة 5.50% مرة واحدة.
وعشان نفهم أكتر هنقدملك مثال على فوايد الوديعة الثلاثية الدولارية في البنك الاهلي المصري .. هنفترض إنك بتستثمر 100 ألف دولار، وهتختار نظام صرف العائد الشهري مثلا بفايدة 5% سنويًا، هنا هتحصل على 416.66 دولار شهريًا، يعني اجمالي فايدة في السنة 5000 دولا و 15 ألف دولار بانتهاء مدة الوديعة.
أما لو هتختار تصرف الفايدة بشكل ربع سنويي بفايدة 5.25% فهنا هتاخد 1312.5 دولار كل 3 شهور، يعني 5250 دولار في السنة أي حوالي 15,750 دولار بنهاية مدة الوديعة.
وعند اختيار دورية صرف نصف سنوي بعائد 5.35% سنويًا، فهنا هتحصل على 2675 دولار كل 6 شهور يعني 5350 دولار سنويًا، و 16,050 دولار عند انتهاء مدة الوديعة.
ولو هتختار أنك تصرف الفايدة أو العائد يشكل سنوي فهنا هتكوت الفايدة 5.50% وبكدده هتصرف 5500 دولار كل سنة، باجمالي 16,500 دولار بإنتهاء مدة الوديعة.
طبعا لو المبلغ اللي هستثمره في الوديعة أكبر من كده أكيد العائد هيكون ضخم جد بحسب نسبة الفوايد اللي قلنا عليها وبكده تقدر تحافظ على دولاراتك وكمان هتاخد من وراها فايدة كبيرة ودي طريقة مضمونة للاستثمار الآمن في البنوك.
طيب إيه هي مزايا الوديعة الثلاثية الدولارية؟.. أهم ميزة في الوديعة الدولارية هي إن تقدر تستردها قبل نهاية المدة وفق القواعد والشروط المعلنة في البنك الأهلي المصري وكمان تقدر تقترض بضمانها حسب القواعد المعمول بها.