خطوة حكومية مفاجئة.. إيه اللي حصل النهاردة

ايه اللي حصل النهاردة واللي فاجئت بيه الحكومة الناس.. وإزاي الحكومة تقول الحاجة وعكسها في نفس اليوم وإيه اللي حصل في الإسكندرية وكفر الشيخ والدقهلية ودمياط.. تعالو نشوف ايه اللي الحكاية.

 احنا عارفين إن أزمة انقطاع الكهرباء وتخفيف الاحمال هي الترند الحزين للمصريين من أيام كتيرة بسبب موجة الحرب الشديدة اللي عايشنها وكانت ولسه الأزمة الاصعب اللي مرت بيها الناس عشان كبار السن وامتحانات الثانوية العامة ولأن وصلت ساعات الانقطاع ل3 و4 ساعات في مناطق كتير مع ذروة الحر.

وزير بردوا ما احنا عارفين إن الازمة سببها كان نقص ضخ الغاز الطبيعي لمحطات توليد الكهربا وواللي حصل فيها انفراجة كبيرة بعد حلف الحكومة الجديدة لليمين الدستورية ووصل شحنات الغاز المسال اللي اتعاقدت عليه الحكومة ورغم كده طلع الدكتور مصطفي مدبولي رئيس الوزراء وأعلن ان الازمة هتنتهي في النص التاني من الشهر الحالي بعد اتخاذ كل الاجراءات لضمان تشغيل محطات الكهربا على مدار الساعة.

الجديد بقي في ملف انقطاع الكهربا هو اللي حصل نهاردة بعد توقف خطة تخفيف الاحمال اليومية في عدد من المحافظات وهي الإسكندرية وكفر الشيخ والدقهلية ودمياط والحقيقة دي كانت مفاجأة سارة للناس وتحول مفاجيء وغريب في المشكلة اللي كلنا بنعاني منها.. الغريب إن الحكومة ولا وزارة الكهربا طلعوا بيان رسمي ولا تصريحات عن ملابسات وأسباب وقف تخفيف الاحمال بالمحافظات دي ولا حد طلع يشرح اشمعنا المحافظات دي وليه أصلا حصل تخفيف أحمال قبل المعاد اللي أعلن عنه قبل كده الدكتور مصطفي مدبولي وهل كده فعلا بدأت الازمة تنتهي ولا فيه حاجة طارئة حصلت وبسببها تم وقف تخفيف الاحمال في المناطق دي.. الحقيقة كل دي أسئلة الناس محتاجة تعرفها لكن العقل بيقول إن وقف قطع الكهرباء في المحافظات الأربعة مؤشر سار وبيقول إنه تجربة عملية على بداية وقف التخفيف على كل مستوى الجمهورية وممكن يكون الوقف اللي حصل نهاردة وقف مؤقت لتخفيف الاحمال واللي حصل إنه مسئولي الكهربا في المحافظات دي جتلهم تعليمات بوقف تخفيف الأحمال لحين إشعار أخر وحسب المعلومات إن انتظام ضخ الغاز الطبيعي المسال لمحطات توليد الكهرباء في المحافظات دي هو السبب في توفير القدرات المطلوبة لتلبية احتياجات المواطنين مع موجة الحر الشديدة وفيه

مصادر بشركات توزيع الكهرباء، كشفت التفاصيل وقالت إن وقف تخفيف الاحمال بسبب إجراء الحكومة تجربة لشبكات التوزيع والغاز الطبيعي لقياس مدى استعداد الحكومة للإعلان عن توقف نظام تخفيف الأحمال الكهربائية وده كان السبب إن الوزارة ولا الحكومة مطلعتش بيان لأنه إجراء مؤقت.. عامة ايا كان فدا بشرة خير لاقتراب الازمة من نهايتها