أخيرا انتهاء خطة تخفيف الأحمال.. شوف الحكاية جت ازاي

طبعا مع كل تغيير وزاري بنسمع تصريحات جديدة ورؤية جديدة وخطة عمل مختلفة لكل وزير، واللي طبعا بختلف كتير قوي عن خطة عمل الوزير اللي قبله، وده اللي حصل في وزارة الكهرباء والطاقة المتجددة في تعامله مع أزمة تخفيف الأحمال.. يا تري اية خطة وزير الكهرباء الجديد في التعامل مع الازمة

التغيير الوزاري الاخير تضمن تغيير الدكتور محمد شاكر وزير الكهرباء والطاقة المتجددة السابق واللي اعتذر أكثر من مرة بسبب ظروفه الصحية، وتعيين الدكتور محمود عصمت كوزير كهرباء جديد في التغيير الوزاري الأخير، وطبعا ازمة تخفيف الأحمال هي اهم واكبر ازمة موجودة علي مكتب الوزير الجديد واية خطواته وحلوله للتعامل معها، وهل هتكون طريقه تفكيرة زي الوزير اللي قبله وهيرمي الازمة علي نقص الوقود اللازم لتشغيل محطات توليد الكهرباء.
الدكتور محمود عصمت واللي كان رئيس الشرك القابضة لمصر للطيران والشركة القابضة للمطارات والملاحة الجوية ده غير انه كان وزير لقطاع الاعمال العام وهومن خريجي كلية الهندسة جامعة أسوان، قال ان الوزارة هتزود الاعتماد علي الطاقة الجديد والمتجددة في تشغيل الأنارة والمصانع، خصوصا أن الرئيس عبد الفتاح السيسى، وجه بالاهتمام الكامل بتحسين جودة التغذية والارتقاء بمستوى الخدمات المقدمة للموطن، وحسم شكاوى المواطنين من خلال المنظومة المتكاملة الموجودة بالوزارة وتقليل الفقد.
وزير الكهرباء قال أنه جارى التنسيق مع كافة الجهات المعنية لحل مشكلة الانقطاعات وتخطى الأزمة وتأمين التغذية الكهربابائية وفقًا لأعلى معايير الجودة وتحسين الإنتاجية والكفاءة، وانه هيتم العمل حاليًا على تحسين الأداء بمحطات التوليد من خلال تفعيل خطط الصيانة والرقابة الدورية وخفض الفقد، وان الوزارة بتمتلك قدرات وكفاءات وخبرات تجعلها قادرة على مواجهة التحديات المختلفة.
طيب هل في حلول تانية قدمتها الحكومة لحل أزمة تخفيف الاحمال وانتهاء المعاناة المستمرة من شهور؟. حمدي عبد العزيز، المتحدث باسم وزارة البترول، قال أن مصر هستستقبل 21 شحنة غاز مسال خلال الصيف الحالي لشهور يوليو وأغسطس وسبتمبر، ده غير استقبال شحنات تانية من المازوت، لحل أزمة انقطاع الكهرباء.
المتحدث الرسمي باسم وزارة البترول والثروة المعدنية قال كمان، أن مخزون الشبكة القومية للغاز هيكون كافيً وبالتالي هتنتهي أزمة قطع الكهرباء من بداية الأسبوع الثالث من يوليو الحالي وتحديدا من يوم 21 يوليو الجاري ولحد نهاية فصل الصيف في 21 سبتمبر اللي جاي مش هيكون فيه قطع للكهرباء تاني خالص طوال ايام وشهور الصيف.

عبدالعزيز قال كمان أنه بعد انتهاء فصل الصيف هيكون فاضل شهرين أو ثلاثة شهور حتى نهاية العام، هيتم فيهم العمل على تقليل تخفيف الأحمال علي الشبكة القومية للكهرباء، وأن شحنات البترول والغاز الطبيعي اللي مصر تعاقدت عليهم بدوا فعلا في الوصول الي مصر وتفريغهم ونقلهم الي محطات توليد الكهرباء للتشغيل وانتظام ضخ التيار علي الشبكة وانتهاء ازمة تخفيف الأحمال نهائيا لحد شهر سبتمبر اللي جاي .