الدهب راح في داهية.. شوف حيلة التجار لإشعال الأسعار

 
 
هو اللي بيحصل ده في سوق الدهب اليومين دول طبيعي ولغاية امتي  الدهب هيزيد وليه وايه اللي التجار بيعملوه دلوقتي وييخلي الدهب يغلي اكتر واكتر.. تعالوا نشوف التفاصيل كلها في الفيديو ده خليكم معانا للآخر 
 

 
الدهب ليه كام يوم في الطالع والأسعار كل مالها ما بتزيد والنهاردة مثلا وصل سعر جرام 21 حوالي 3300 جنيه بالمصعنية ولسه الزيادة مستمرة.. طيب ليه الدهب بيزيد... زي ما قلنا لحضراتك قبل كده في أسباب كتير  منها اسباب مشروعة وأسباب تانية خفية أما الأسباب المعروفة فهي زي استمرار الطلب على الدهب عالميا بشكل كبير جدا والبنوك المركزية بتشتري بشكل غريب وده لان البنك الاحتياطي الفدرالي الأمريكي احتمال كبير هيخفض الفايدة الأيام الجاية وعشان كده كل دول العالم بتحتاط لده وبتعمل حسابها وبتعوض الدولار اللي عندها بدهب في الاحتياطي.

كمان البنوك المركزية بتأمن نفسها بالدهب كملاذ آمن في الأوقات الصعبة زي الحروب والتوترات والصراعات والعقوبات الدولية لأن في الأوقات دي التجارة الدولية بيحصل فيها اضطراب شديد وارتفاع أسعار السلع والخدمات عالميا زي ما حصل كده بعد الأزمة الروسية الأوكرانية وزي ما حصل بعد أحداث المنطقة حولينا وعامة خدها قاعدة الدهب بيزيد في الأزمات.
وعالميا المعدن الأصفر داخل على 2400 دولار للأونصة وبكده بيقرب من سعر ال3000 دولار اللي توقعته بنوك مركزية ومؤسسات مالية دولية كاقصى ارتفاع عالمي ممكن يوصله الدهب في الفترة الجاية وتحديدا في بدايات 2025 واللي هتكون سنة الحسم والارقام القياسية بالنسبة للدهب وطبعاً طول ما فيه توقعات زي دي صدرت البنوك المصرية والشركات والافراد كله بيجري يستثمر في المعدن الأصفر ويخزنه بغرض الاستثمار والمكسب وخاصة لما يكون المكسب ضخم جدا ويوصل للضعف .
طيب ايه اللي بيحصل في سوق الصاغة المصري دلوقتي؟.. شوف حضرتك سوق الدهب زي اي سوق ممكن تلاقي فيه ممارسات غير قانونية أو تصرفات تزود من حدة اي أزمة لمجرد فيه توقعات أن السلعة هتزيد وهنا تجار كتير بيمارسوا حاجتين أما يحتكر السلعة أو يخزنها لغاية ما سعرها يرفع عشان يستفاد من فرق السعر ويحقق مكسب كبير زي اللي حصل قبل كده في سوق السجاير والسكر والبصل وغيره والنهاردة بيحصل في سوق الدهب واللي اتجه بعض التجار لتخزين الدهب وتقليل المعروض عشان يضربوا عصفورين بحجر واحد الاول يضمن أن الأسعار هتستمر في الزيادة طالما فيه نقص معروض تاني حاجة يستفاد من فرق السعر لما الأسعار تولع بشكل كبير فيطلع الدهب اللي مخزنه وشوف ساعتها هيكسب قد إيه وطبعا حاجة زي دي ممكن تولع الأسعار في الصاغة اكتر ماهي مولعة ولازم يكون فيه تدخل للسيطرة على الصاغة واي ممارسات مش قانونية قبل فوات الاوان.