سر الاستثمار السعودي في الصعيد.. مشروع عالمي يقلب الموازين

 
 
ليه السعودية قررت  تشتثمر في الصعيد تحديدا وليه اختارت الطاقة الشمسية وايه اللي بيحصل في أسوان دلوقتي وعلاقة ده بيزنس وسوق الطاقة العالمي.. التفاصيل كلها هتلاقيها في الفيديو ده خليكم معانا للآخر .

 
معروف إن الاستثمارات الخليجية في مصر كانت ومازالت عامل أساسي في تنمية مصر والحقيقة الإخوة في الخليج دايما سند لمصر في الأزمات والعكس صحيح لكن دلوقتي الحكاية مبقتش منح وودايع وقروض ميسرة زي الاول لكن بقي استثمارات وتعاون وشراكات وتنمية كبيرة بتحصل والخليج بقي يستثمر مليارات الدولارات في مصر وبيكسب بشكل كبير في نفس الوقت بسبب تنافسية السوق عن بقية الأسواق وده نتيجة لعوامل كتير خلت المستثمرين يفضلوا مصر تن غيرها بحسبة المكسب والخسارة والاستقرار لأن في عرف الاقتصاد السوق مثالي دلوقتي لاي مستثمر بسبب انخفاض قيمة العملة المحلية وتوافر الأيدي العاملة المدربة والقرب من الأسواق العالمية وخطوط الملاحة الدولية والموانئ والخدمات اللوجستية يعني المستثمر هيجي يلاقي كل حاجة متوفرة .
والارقام بتقول إن حصيلة الاستثمارات الأجنبية المباشرة في مصر المتوقعة خلال عام 2024 هتوصل 100 مليار دولار وأغلبها هيتم استثماره في القطاعات الصناعية والزراعية وفي مجالات الطاقة النظيفة والعقارات والسياحة والسندات وغيرها من الأنشطة الاقتصادية التانية  وده بعد ما بقت مصر واحدة من الوجهات الواعدة للاستثمار المحلي أو الأجنبي و أهم الاستثمارات الجديدة في مصر جاية من صناديق سيادية سعودية وقطرية وإماراتية وبحرينية وعمانية، في قطاعات ودي حصل بعد لقاءات هامة تمت خلال الفترة اللي فاتت لجمع تمويلات واستثمارات حديدة و القاهرة استقبلت وفود رسمية ومن رجال الأعمال خلال الأيام اللي فاتت شملت دول خليجية وأجنبية لضخ استثمارات جديدة في السوق المصري زي ما شفنا في مؤتمر الاستثمار الأوروبي وفيه توقعات بوصول  الاستثمارات الخليجية داخل السوق المصرية الي مستوي 70 مليار دولار، وارتفاع عدد الشركات الخليجية العاملة في مصر الي نحو 8500 شركة موزعة ما بين سعودية وإماراتية وقطرية وبحرينية وغيرها وده قبل صفقة رأس الحكمة الأخيرة مع دولة الامارات العربية المتحدة، والأرقام دي بتعكس حجم الاستثمارات الخليجية في مصر وزيادة التبادل التجاري والاستثمارات المشتركة.

طيب إيه الجديد وليه السعوديه اختارت الصعيد بالذات للاستثمار ؟
الاول زي ما احنا عرفنا في الأيام اللي فاتت أن شركة "أكوا باور" السعودية ودي من أكبر شركات الطاقة في العالم حصلت على شهادة التشغيل التجاري لمحطة فارس الشمسية بصحراء كوم امبو بمحافظة أسوان والمحطة الجديدة تم تنفيذها بقدرة 200 ميجاوات بتكلفة استثمارية 168 مليون دولار  وحسب المعلومات المحطة الجديدة نفذتها الشركة ضمن مشروع شموس_النوبة واللي أطلقته الدولة بهدف تحويل أسوان إلى عاصمة الطاقة الشمسية في العالم ، وبيضم مشروع "شموس النوبة" لغاية دلوقتى محطات "بنبان" و"فارس" بخلاف  قيام إحدى الشركات العالمية بتنفيذ مشروع رابع وهو محطة كوم أمبو.. سيبك من اللي فات كله وركز في كلمة عاصمة الطاقة الشمسية في العالم اكيد حضرتك اتخضيت من العبارة لكن هي دي الحقيقة السعوديين عارفين قيمة المشروع وإن أسوان فيها كنز اسمه الطاقة الشمسية وأماكن مثالية لإقامة مشروعات الطاقة الكهربائية النظيفة.
لو سألتني السعودية هتستفاد ايه .. هقولك لما اسوان تبقي عاصمة للطاقة الشمسية اكيد هتصدر للدول اللي حولينا ومنها السعودية القريبة جدا من السوق المصري وفيه اصلا مشروع ربك كهربائي بين البلدين وقرب يخلص وده هيكون إضافة قوية لشبكات الطاقة في مصر والسعودية في نفس الوقت لأن البلدين دلوقتي بينفذوا اقوى برامج اقتصاد وتنمية في تاريخهم والطاقة الكهربائية هي عماد التنمية ومع اختلاف وقت الذروة في البلدين الاستفادة هتكون مضاعفة.