مصر تحلق من جديد.. وكالة دولية تنشر تقرير مفاجأة عن الاقتصاد المصري
![صورة ارشيفية]( /UploadCache/libfiles/5/6/600x338o/470.jpg)
مصر رايحة على فين وايه اللي بتقوله الوكالات والمؤسسات المالية الدولية عن مستقبل الاقتصاد وازاي بدأ ينطلق من تاني.. التفاصيل كلها هتلاقوها فى هذا التقرير.
الاقتصاد المصري مر بظروف صعبة جدا في السنة اللي فاتت ودي جت بعد أزمة كورونا اللي دخلت في سنتين لكن اللي حصل في 2023 كان صعب جدا وخاصة مع ارتفاع الأسعار والغلاء في كل السلع والخدمات وارتفاع سعر الدولار والسوق السودا والمضاربة وهروب الاستثمارات الأجنبية المباشرة والأموال الساخنة من البلد نتيجة الجو العام اللي مش ليساعد في استثمار ولا اي حاجة نتيجة تعدد سعر الصرف في السوق وحالة الفوضى اللي كانت موجودة ومع تصنيفات دولية سلبية حص عليها الاقتصاد المصري ازمت الأمور لغاية مارس اللي فات وقرار البنك المركزي بتحرير سعر الصرف وتصحيح التشوهات في سعر الصرف واللي بقي محكوم بقوى العرض والطلب وبعدها بدأت العجلة تدور ورجعت الاستثمارات من تاني وشفنا صفقات بالمليارات زي صفقة رأس الحكمة وصفقات الاتحاد الأوروبي والشركات العالمية وبعدها الاقتصاد يتعافي.
اخر تقرير طلعته وكالة التصنيف الائتماني الدوليية ستاندرد آند بورز جلوبال عن الاقتصاد المصري كشف عن مفاجآت سارة من واقع الأرقام والمؤشرات وقال إن الشركات المصرية غير المنتجة للنفط تعافت بشكل كبير وده انعكس على زيادة في حجم مبيعاتها في شهر يونيو للمرة الأولى من أغسطس 2021 يعين من 3 سنين وده حسب أحدث دراسة لمؤشر مدراء المشتريات المصري التابع للوكالة وحسب التقرير قفز مؤشر ستاندرد آند بورز جلوبال لمديري المشتريات في مصر من 49.6 نقطة في مايو إلى 49.9 في يونيو، ليظل أقل قليلا من مستوى 50 الفاصل بين النمو والانكماش وبتشير القراءة إلى ظروف تشغيل مستقرة على نطاق واسع في نهاية الربع التاني من العام الحالي.
وقالت الوكالة الدولية إن المؤشر الفرعي للطلبيات الجديدة وصل 50.2 نقطة وهو أعلى مستوى منذ أغسطس 2021 وأظهرت قطاعات التصنيع والخدمات أكتر المؤشرات إيجابية نتيجة لتعافي أوضاع السوق وإن ارتفاع حصل نتيجة استقرار الظروف الاقتصادية وتخفيف ضغوط الأسعار وتحسن آفاق الطلب واعتبرت الشركات التي شملتها دراسة الوكالة الدولية أن ارتفاع المبيعات جاء نتيجة لتحسن الظروف في الأسواق المحلية والدولية وبخصوص الأسواق الدولية تحديدا أفادت الشركات بوجود زيادة حادة في طلبات التصدير الجديدة في شهر يونيو، وهي أقوى زيادة مسجلة منذ عامين ونصف العام يعني فيه طلب كبير جدا لتصدير المنتجات المصرية واللي مع ارتفاع إجمالي المبيعات، أعلنت الشركات غير المنتجة للنفط عن بذل جهود أكبر لتوسيع قدراتها.
ديفيد أوين، الخبير الاقتصادي في ستاندرد اند بورز قال إن الشركات المصرية غير النفطية في طريقها إلى التعافي وإن الشركات دلوقتي بقي عندها حافز للتوسع والإنتاج والتصدير مع ارتفاع مؤشرات المبيعات وزيادة الصادرات..
تقرير الوكالة الدولية للتصنيف الحقيقة جاي في وقته ورغم أن اللي قاله معروف من أقام الصادرات المصرية اللي بتزيد كل شهر عن التاني لكن التقرير مهم جدا في حد ذاته لانه اولا شهادة دولية من وكالة كل المستثمرين بيمشوا وراها وتاني حاجة إن التقرير ده هيكون ليه حساب عند تقييم تصنيف مصر الائتماني الجاي من الوكالة وزي ما احنا عارفين إن التصنيفات دي بتكون مهمة جدا في جذب الاستثمارات الأجنبية المباشرة وفيه ثقة المستثمرين في السوق المصري وفي السندات بالخارج