أخيرا مصر لقت الحل.. شوف مصر بتعمل اية علشان تحل أزمة قطع الكهرباء

طبعا كلنا عارفين المشكلة اللي مصر بتعاني منها في موضوع تخفيف الأحمال وقطع الكهرباء بالساعتين والثلاثة علي كل محافظات الجمهورية.. بس مصر دلوقتي لقت الحل اللي مش هيخلي عندك ازمة تاني في موضوع قطع الكهرباء. لو عايز تعرف الحل وده الاستثمارات بتاعته اية شوف الفيديو ده للاخر

من اكتر من سنة دلوقتي ومصر بتعاني معاناة شديدة جدا من موضوع قطع التيار الكهربائي عن كل محافظات الجمهورية واللي لحد فترة قريبة الحكومة مش عارفة له حل خصوصا ان ازمة تخفيف الاحمال مش ازمة نقص محطات توليد للكهرباء او نقل شبكة النقل المسئولة عن نقل التيار من مناطق التغذية الي مناطق الاستهلاك، ولكن الازمة هيا ازمة توفير وقود تشغيل محطات توليد الكهرباء من المازوت والغاز الطبيعي اللي بحتاجه المحطات علشان تشتغل وتولد الكهرباء، والوقود ده محتاج دولارات وبارقام كبيرة جدا علشان مصر تستورده من الخارج.
بالرغم من ازمة تخفيف الأحمال الا ان مصر في الكام سنة اللي فاتوا قدرت تبني كم كبير جدا من محطات توليد الكهرباء سواء اللي شغال بالوقود الحيوي زي المازوت والغاز الطبيعي، واللي شغال بمصادر الطاقة النظيفة زي الطاقة الشمسية وطاقة الرياح، وفعلا بقي عندنا محطات كتيرة جدا لتوليد الكهرباء من الشمس زي محطة بنبان في اسوان واللي بتعتبر واحد من اهم محطات توليد الكهرباء باستخدام الطاقة الشمسية ومحطة الرياح زي محطل جبل الزيت ومحطة الزعفرانة ومحطة خليج السويس وغيرها من المحطات اللي الدولة نفذتها علي مدار الـ10 سنين اللي فاتوا لتوليد الكهرباء باستخدام طاقة الرياح.
طيب اية فايدة محطات توليد الكهرباء من طاقة الشمس والرياح بالنسبة لمصر؟.
مصر فعلا بدأت تدخل المحطات الجديدة لتوليد الكهرباء من طاقة الرياح وطاقة الشمس في الخدمة فعلا، وكانت اخر محطة وزارة الكهرباء دخلتها هي بدء التشغيل التجاري لمحطة  كوم أمبو – أسوان بقدرة 200 ميجاوات، وده في اطار خطة الدولة لتوفير 42%  من الطاقة اللي مصر بتستهلكا في عام 2030 من القدرة الكلية لشبكة الكهرباء القومية، ووصلت تكلفة المشروع لـ168 مليون دولار.
مشروع محطة توليد الكهرباء من الطاقة الشمسية في كوم أمبو أسوان قامت بيه شركة أكوا باور بتمويل مع مؤسسات التمويل الدولية زي البنك الاوروبي للتنمية والاعمار والبنك الافريقي للتنمية وصندوق أوبك، صندوق الطاقة المستدامة لأفريقيا، صندوق المناخ الأخضر، البنك العربي "أبيكورب" والطاقة الإنتاجية بتاعته هتكفي لتلبية احتياجات 130 ألف وحدة سكنية وتوفر ما يعادل حوالى 15 مليون متر مكعب من الغاز الطبيعى شهريا.  
محطة الطاقة الشمسية الجديدة بتجتوي علي 387,465 من الالوائح الشمسية من أحدث تكنولوجيات ثنائية الاوجه بالإضافة الي 952 عاكس كهربى على مساحة 4.8 كيلو متر مربع لإنتاج 200 ميجاوات من الطاقة النظيفة واللي هتسهم في خفض البصمة الكربونية بحوالي 280 ألف طن من ثاني اكسيد الكربون سنويًا.

الدولة اعنلت عن ربط محطة الطاقة الشمسية بالشبكة القومية عن طريق محطة ربط جهد 33/220 كيلو فولت واللي هتربط المحطة بمحطتى غرب سلوا ومحطة محولات بنبان 1.