تطور خطير في سوق السيارات.. وعودة خفافيش الظلام
![سوق السيارات]( /UploadCache/libfiles/5/6/600x338o/314.jpg)
اللي متابع اللى بيحصل فى سوق العربيات فى مصر هيعرف ان من يوم 6 مارس اللى فات حصل انقلاب حرفيا فى الاسعار وتحديدا اسعار العربيات الجديدة اللى حصل فيها انخفاض بقيم وصلت الى 50 و700 ألف فى بعض الموديلات.. وده بسبب القضاء على السوق الموازية للدولار وانهاء ظاهرة الاوفربرايس وكمان توفير كميات كبيرة من العربيات بعد الافراج عنها من الموانيء.
لكن فى الأيام اللى فاتت حصلت طورجديد وخطير فى سوق العربيات وتقدر تقول كده ان خفافيش الظلام رجعت تلعب تانى فى الكواليس.. فيا ترى ايه اللى حصل ؟ وليه اسعار العربيات سواء الجديدة أو المستعملة رجعت تزيد تاني؟
بسبب أزمة تعطل الاستيراد اللي طالت السلع والبضائع المستوردة وعلى رأسها السيارات عادت من جديد للظهور ظاهرة "الأوفر برايس" بعد اختفائها من شهور قليلة مدفوعة بتداعيات قرار تحرير سعر الصرف وعودة التدفقات الأجنبية وتوفير عدد كبير من موديلات العربيات الجديدة وده عمل تشبع فى السوق وبدأنا نسمع عن تخفيضات كبيرة من الوكلاءوالموزعين على اسعار العربيات
ووفقا لعدد كبيرمن المتعاملين فى سوق السيارات فى مصر تم فرض "أوفر برايس" بالفعل على بعض الطرازات ولكن بنسب متفاوتة وفقاً لتوفر المخزون لدى التجار والطلب من جانب العملاء.. يعنى لو موديل عربية عليها اقبال كبير غير موديل تانيالطلبعليه قليل
ولحد اللحظة اللى بنتكلم مع حضراتكم فيها ظاهرة "الأوفر برايس" بدأت تعود على استحياء من جديد بسبب أزمة المعروض لكن لا قدر الله لو أزمة الافراج عن السيارات الجديد وتعطل دخول الشحنات طولت عن كده من المتوقع بنسبة كبيرة ارتفاع قيمة "الأوفر" على مبيعات السيارات زي كما كانت قبل كده
حد هيسال ويقول ايه هو الاوفر برايس ده ؟
بص يا افندم .. الاوفربرايس ده عبارة عن مبلغ زيادة عن السعر الرسمي للعربية المعلن عنه من الوكيلاو شركة التوزيع يعنى مثلا لو عربية سعرها مليون ممكن تلاقي عليها اوفربرايس 300 الف جنيه
طب وايه الى يخلى حد يدفع اوفربرايس كبير كده ؟
هى دي اللعبة اللى الوكلاء والموزعين بيلاعبوها .. هنفترض ان حضرتك عاوز عربية تويوتا كورولا سعرها الرسمي 1350 الفجنيه لو رحت لأى معرض عشان تشتريها بالسعر ده هيقولك العربية مش موجودة وممكن تحجز وتستلتم بعد سنة بس لو مستعجل ممكن اوفرهالك باوفربرايس 300 او 400 الف وللاسف فيه ناس كتير بتخاف سعر العربية يرفع او بتكون مستعجلة فبتدفع الاوفربرايس
وبتختلف قيمة الزيادة في أسعار السيارات وفقا للمعروض عند كل تاجر خصوصا ان المتاح حاليا عبارة عن مخزون دون دخول بضايع جديدة وده بيدفع التجار لزيادة الأسعار
وسجلت مبيعات سوق الشاحنات في مصر تراجعا بنسبة 18.4% خلال الربع الأول من العام الحالي بالمقارنة بنقس الفترة من العام الماضي؛ لتحقق بيع 2889 شاحنة، بدلاً من عدد 3542 شاحنة في 2023، وذلك بعد أن سجل العام الماضي نسب تراجع وصلت لأكثر من 70% في بعض الأشهر، ويرجع للفضل للشاحنات الخفيفة التي حققت زيادة بنسبة 81.5% عن العام الماضي 2023، وفقا لأحدث تقرير لمجلس مبيعات سوق السيارات "أميك ".