الرئيس يكشف عن تكليف جديد للحكومة وسر استثمارات رأس الحكمة والاتحاد الأوربي
![الدولار]( /UploadCache/libfiles/5/6/600x338o/312.jpg)
ليه الاماراتيين استثمروا في راس الحكمة وبعدها الاروبيين وليه دفعوا أكتر من 100 مليار دولار وسر التكليف الجديد من الرئيس للحكومة الجديدة,.. تفاصيل كتيرة هتعرفوها في الفيديو ده
الرئيس السيسي اتكلم نهاردة في الذكرى ال11 لثورة 30 يوني وقال كلام مهم جدا عن أوضاع مصر قبل 10 سنين وبين دلوقتي وقد ايه مصر نجت من مصير الافلاس وقفت على أرض صلبة وبنية تحتية حديثة خلتها ستوعب كل الاستثمارات الجديدة وقال الرءيس إحنا عملنا وطورنا أكبر شبكة استراتيجية من الموانئ والربط بين جميع أنحاء الدولة بخطوط مواصلات متنوعة سريعة وحديثة ودي اللي فتحت شرايين التنمية في كل مكان واستوعبت وجذبت الاستثمارات الجديدة في راس الحكمة والاستثمارات الأوربية الاخيرة وقبلها في منطقة اقتصادية قناة السويس لان مفيش مستثمر كان هيجي والبلد مفهاش بنية اساسية تساعد في إقامة المشروعات ولأن البنية الاساسية في مصر هي الاحدث في العالم وعندها شبكة طرق أفضل من الموجودة في امريكا والمانيا حسب التصنيفات الدولية غير أحدث مواني العالم وخطوط التجارة الدولية وقناة السويس الجديد وقناة السويس اللي اتعملت وبتتعمل على قضبان السكة الحديد في سيناء خلت مصر سوق جاذبة لأي استثمارات ضخمة.
الرئيس قال إنه رغم التحديات الصعبة والخطيرة اللي مرت بيها مصر لكن قدرت البلد تكمل على طريق التنمية والنهضة لتحقيق حلم التقدم والحياة الكريمة لجميع المواطنين، ومن أهم الحاجات اللي قالها الرئيس السيسي النهاردة إن عارف حجم معاناة المصريين والظروف المعيشية اللي بيمروا بيها في الايام دي نتيجة الازمات اللي ورا بعضها واتكلم تحديدا في مسألة ارتفاع الأسعار خلال الفترة الأخيرة وإنه مش منفصل عن الواقع عشان كده الرئيس السيسي كشف عن توجيهاته للحكومة بتخفيف معاناة المواطنين وإيجاد مزيد من فرص العمل وبناء مستقبل أفضل ودي تكليف ملزم لحكومة مدبولي اللي جاية لان الأولوية لحل ملفات الاسعار والتضخم والاستغلال والاحتكار وإيجاد حلول عملية تهوت من المعيشة على المصريين في الأيام الجاية.
وبخصوص أخر اخبار الحكومة الجديدة فكل الاخبار بتقول إن الدكتور مصطفي مدبولي انتهي من التشكيل الوزاري وكمان خلص اختيار المحافظين الجدد ومقرر الاعلان عن الحكومة الجديدة خلال ايام واللي تم اختيار وزرائها بناء على الكفاءة والقدرة على القيادة وايجاد الحلول وابتكارها لأن الناس فعلا تعبت ولازم يكون فيه حلول تخفف عليهم وبخصوص التسريبات عن التشكيل فالأكيد إنه تم استبعاد الوزراء اللي فشلوا في مهمة السيطرة على الاسواق في الحكومة القديمة واللي كانو سبب في أزمات كتير بتصريحاتهم وايديهم المرتعشة .