أوروبا في مصر.. مليارات الدولارات تقلب موازين العملة
![الدولار]( /UploadCache/libfiles/5/6/600x338o/246.jpg)
ايه الي بيحصل في مصر النهاردة وبكرة وازاي الدولار بيلفظ أنفاسه الأخيرة كعملة محدش عارف يوقفها وليه زمن الجنيه راجع تاني.. تعالوا نشوف التفاصيل في الفيديو ده خليكم معانا للآخر
النهاردة وبكرة مصر وبرعاية الرئيس السيسي شخصيا بتنظيم مؤتمر كبير وضخم للاستثمار الأوروبي واللي بيحضره عشرات الشركات الكبرى في قارة أوروبا واللي جايين يكتشفو ويتفقوا على مشروعات بمليارات الدولارات في الطاقة النظيفة والهيدروجين الاخضر والالكترونيات والصناعة وكل المجالات.
طيب ايه عن التفاصيل واللي بيحصل ؟
شوف ياسيدي مصر من فترة بتجهز لمؤتمر اسمه مؤتمر الاستثمار المصري-الأوروبي المشترك، بمشاركة حكومية واسعة من ممثلي الحكومة المصرية والاتحاد الأوروبي والمؤسسات متعددة الأطراف والقطاع الخاص من الجانبين وده جت فكرته بعد توقيع اتفاقية الشراكة الاستراتيجية بين مصر وأوروبا واكيد فاكرين لما 6 رؤساء من أوروبا زاروا القاهرة في وقت واحد وتم ترفيع العلاقات لمستويات الشراكة لأن الاتحاد الأوروبي اعتبر مصر اهم دولة في جنوب البحر المتوسط.
والمهم المؤتمر تحت رعاية خاصة من الرئيس عبدالفتاح السيسي، وأورسولا فون دير لاين، رئيسة المفوضية الأوروبية، وهيستمر الحدث العالمي على مدار يومي 29 و30 يونيو الجاري تحت عنوان "إطلاق العنان للإمكانات المصرية في عالم سريع التغير".
واللي هيحصل أن المؤتمر هيناقش فطإجراءات الإصلاح الاقتصادي اللي يتنفذها الحكومة المصرية لخلق بيئة استثمار جاذبة للقطاع الخاص، بحضور عدد من المفوضين الأوروبيين والوزراء المصريين وممثلي المؤسسات متعددة الأطراف والقطاع الخاص وكمان هيتم تخصيص جلسة نقاشية تانية حولين الإجراءات الإستراتيجية لتحويل مصر إلى مركز لتوطين الشركات الأجنبية في مصر ودي نقطة مهمة جدا خلي بالك وهي أساس عقد مصر للمؤتمر واللي هيناقش كمان برامج التعاون بين مصر وصندوق النقد الدولي والاتحاد الأوروبي، ودورها في دعم القطاع الخاص.
كمان المؤتمر هيخصص جلسات على مدار اليوم لعرض جهود تهيئة بيئة العمل في مصر لتكون مركز للتصنيع، وعن الخدمات اللوجستية في مصر و فرص تصنيع السيارات في مصر بخلاف جلسة عن فرص تعزيز الصناعات الدوائية.
طيب ايه الهدف من المؤتمر ده؟
اكيد اي مؤتمر بالحجم ده والشخصيات والكيانات اللي فيه مش هينعقد للشو الإعلامي وخلاص واكيد هيكون فيه فوائد كتير مباشرة وغير مباشرة وحسب المعلومات الرسمية من منظمي المؤتمر هيكون فيه توقيع عدد كبير من مذكرات التفاهم للتعاون في المجالات المختلفة من بينها دعم الاقتصاد الكلي والاستثمار والطاقة المتجددة والهيدروجين الأخضر والأمونيا الخضراء والاتصالات وتكنولوجيا المعلومات ودعم زيادة الصادرات والتعاون في مجال تصنيع السيارات وده غير تخصيص قاعات لعقد اللقاءات الثنائية بين الشركات المصرية والأوروبية، لبحث فرص إقامة الشراكات الممكنة في المجالات المختلفة وكل المجالات دي هتدخل للسوق المصري مليارات الدولارات في كل المجالات الللي قلنا عليها خاصة مشروعات الطاقة النظيفة واي تدفقات دولارية مباشرة بتكون ضربة قوية لغرور الدولار الأمريكي في سوق الصرف.