انقلاب في سوق الدولار بعد صفقات الـ70 مليار.. تفاصيل حدث تاريخي في مصر.. ومفاجأة في الدهب
![الدولار]( /UploadCache/libfiles/5/6/600x338o/226.jpg)
متابعينا الكرام في كل مكان أهلا وسهلا بكم على منصات بانكير في جولة جديدة وأخر أخبارنا الاقتصادية وتحديثات أسعار الدولار والعملات في منتصف تعاملات السبت 29 يونيو 2024.
البداية طبعا من الحدث التاريخي الأهم النهاردة في مصر والمنطقة كلها. هو انعقاد مؤتمر الاستثمار الأوروبي في مصر برعاية وحضور الرئيس السيسي وزي ما احنا عارفين الاتحاد الاوربي من أهم التكتلات الدولية اللى عرفت أهمية مصر فى المنطقة وقدرتها على ادراة كتير من الملفات بحكمة وعقل وهدوء، وعشان كده اسرعت لتوقيع اتفاقيات الشراكة الاستراتيجية مع مصر في مارس إللي فات وإعلان الاتحاد الأوروبي وقتها دعم مصر بحوالى 9 مليار دولار لمساعدة الحكومة على تجاز الأزمة الاقتصادية الصعبة اللى مصر بتمر بيها بقالها أكتر من سنتين وتحديدا من بعد الحرب الروسية الاوكرانية فى فبراير 2022
والنهاردة الرئيس السيسي فى افتتاح مؤتمر الاستثمار المصري الاوربي قال إن مصر اثبتت للعالم والاتحاد الأوروبي، أنها شريك يمكن الاعتماد عليه في السياسية الخارجية.
الرئيس قال كمان إن مصر مش بس سوق ضخم وكبير بيضم 120 مليون والضيوف الموجودين لكن كمان فيها قوى عاملة ضخمة جدا و 70 % من شعبنا أقل من 40 سنة وده أمر واعد جدا لاي مستثمر عاوز قوى عاملة بتكلفة مالية معتبرة
وزي ما عرفنا مصر بتستعد لتوقيع 38 اتفاقية استثمارية بقيمة 70 مليار يورو خلال مؤتمر الاستثمار المصري الأوروبي المشترك، اللي بيُعقد في القاهرة النهاردة وبكره
وأهم القطاعات اللي بتشملها الاتفاقيات، الاستثمار والطاقة المتجددة والهيدروجين الأخضر والأمونيا الخضراء والاتصالات وتكنولوجيا المعلومات ودعم زيادة الصادرات، والتعاون في مجال .
...
المؤتمر شهد حضور عدد كبير من المسؤولين الأوروبيين في مقدمتهم رئيس المفوضية الأوروبية وعشرات الشركات والمستثمرين ورجال الصناعة والاستثمار في القارة الأوروبية في مصر لحضور مؤتمر الاستثمار الأوروبي في مصر واللي ليه اهداف كتير جدا منها توطين الصناعة الأوروبية المتقدمة في مصر وتحويلها لمركز صناعي إقليمي وقاعدة للانطلاق الي الأسواق القريبة في افريقيا وآسيا واستغلال موقع مصر الجغرافي ومن بين الصناعات اللي هتوطنها اوربا في مصر هي صناعة السيارات ودي صناعة مهمة جدا وسبب ثراء الاقتصاديات الأوربية والمتقدمة وكمان توطين صناعة الأدوية والطاقة النظيفة والهيدروجين الاخضر والالكترونيات بأنواعها وغيرها من الصناعات.
لو بصينا في أشكال الصناعة الأوربية اللي هيتم توطينها في مصر هنلاقيها صناعات استراتيجية وبتحتاج لاستثمارات ضخمة بالمليارات والشركات الأوربية هتدخل مفاوضات بشكل مباشر مع الحكومة المصرية ومع القطاع الخاص لنقل الصناعات دي في السوق المصري والاستفادة من البنية الأساسية اللي عملتها مصر خاصة في مجال المواني واللوجستيات واللي هتفرق كتير في تعزيز التجارة وانتعاش مصر اقتصاديا في الفترة الجاية وهتكون القاهرة رقم مهم في التجارة العالمية وتوطين البراندات العالمية في الصناعة والخدمات واللي عليها منافسة شرسة دلوقتي بين دول المنطقة.
طبعا كلنا عارفين إيه اللي هيحصل في سوق الدولار بعد توقيع الصفقات الضخمة دي النهارده في مصر واللي بتضمن تدفق كبير للدولار في الشهور والسنين الجاية وده هينعكس مباشرة على سعر الدولار في الأيام الجاية وبيدي درس العمر لتجار العملة وأهل الشر اللي راهنوا على سقوط مصر .
من مؤتمر الاستثمار بنروح معاكم للبنوك واخر اسعار العملات أمام الجنيه في منتصف التعاملات
واستقر سعر الدولار في البنك المركزي المصري بمنتصف التعاملات عند آخر انخفاض له أمام الجنيه مسجلا متوسط 47.96 جنيها للشراء ونحو 48.10 جنيه للبيع .
وسجل سعر الدولار في البنك الأهلي عند 47.98 جنيها للشراء ونحو 48 جنيها للبيع .
كما سجل سعر الدولار في بنك مصر 47.98 جنيها للشراء ونحو 48 جنيها للبيع .
وسجل سعر الدولار في بنك الإسكندرية مصر 47.98 جنيها للشراء ونحو 48 جنيها للبيع
وسجل سعر الدولار في البنك التجاري الدولي مصر 48 جنيها للشراء ونحو 48.13 جنيها للبيع
وارتفع سعر الدولار في مصرف أبوظبي الإسلامي عند مستوى 48.12 جنيه للشراء ونحو 48.22 جنيه للبيع
وسجل سعر الدولار في المصرف المتحد مستوى 47.90 جنيها للشراء ونحو 48 جنيها للبيع.
من الدولار إلى سوق العملات العربية والأجنبية الرئيسية في منتصف تعاملات اليوم السبت وفق أخر تحديثات البنك المركزي المصري.
وتباينت أغلب أسعار صرف العملات مقابل الجنيه المصري وفقاً لآخر تحديث وارد عبر الموقع الإلكتروني للبنك المركزي المصري بمنتصف تعاملات السبت
وسجل متوسط سعر اليورو في البنك المركزي المصري نحو 51.32 جنيها للشراء 51.49 جنيها للبيع.
وبلغ سعر الجنيه الاسترليني فى البنك المركزي المصري 60.67 جنيها للشراء 60.85 جنيها للبيع.
وبلغ متوسط سعر الفرنك السويسري في البنك المركزي 53.45 جنيها للشراء 53.61 جنيها للبيع.
وسجل سعر 100 ين ياباني في المركزي المصري نحو 29.89 جنيها للشراء و29.98 جنيها للبيع.
واستقر سعر الريال السعودي في البنك المركزي 12.78 جنيه للشراء ونحو 12.83 جنيه للبيع
ووصل سعر الدينار الكويتي نحو 156.32 جنيه للشراء ونحو 156.83جنيه للبيع.
وسجل سعر الدرهم الإماراتي عند 13 جنيها للشراء ونحو 13.10 جنيها للبيع
وبلغ سعر اليوان الصيني نحو 6.59 للشراء ونحو 6.62 جنيه للبيع.
ولسه مكملين مع حضراتكم في منتصف لتعاملات اليوم السبت وبنروح لسوق الصاغة المصرية وأخر تحديثات اسعار الدهب في أول التداولات..
استقر سعر الذهب اليوم السبت بمنتصف التعاملات، عند أسعار بداية التعاملات، بحسب نادي نجيب، سكرتير عام شعبة الذهب بغرفة القاهرة التجارية السابق.
وبلغ سعر الذهب عيار 24 نحو 3589 جنيها
واستقر سعر الذهب عيار 21 عند 3140 جنيها للجرام
وسجل سعر الذهب عيار 18 نحو 2691 جنيها للجرام
واستقرت أسعار الذهب عيار 14 عند 2093 جنيها للجرام.
واستقر سعر الجنيه الذهب إلى 25120 جنيها، وقد يختلف السعر من تاجر لآخر، ويساوي هذا السعر قيمة الذهب في الجنيه.
وانخفض سعر الذهب عالميا إلى نحو 2329.3 دولار للأونصة، (الأوقية وهي تعادل نحو 31 جرام عيار 24)، مع نهاية تعاملات أمس الجمعة، بهبوط 0.23%، وفقا لآخر تحديث لبيانات وكالة بلومبرج.