السيستم شل سوق السيارات.. ايه اللي بيحصل في المواني

 
 
ايه الحاجة الغريبة اللي بتحصل في سوق السيارات دلوقتي واللي وقفت وشلت السوق من تاني ورجعت الأوفر برايس كمان على فئات من السيارات بسبب شح الاستيراد وايه حكاية السيستم اللي واقع وليه الحكومة مش عاوزة تصلحه .. التفاصيل كلها هتلاقيها في التقرير التالي  خليكم معانا للآخر 
 
اتكلمنا هنا في بانكير خلال الساعات اللي فاتت عن أزمة خطيرة في سوق السيارات بدأت تظهر لما اتكشف وجود 13 الف سيارة محجوزة في الموانئ واتضح أنها في انتظار تسجيل الدخول على سيستم الاستيراد وكانت المفاجأة أن سيستم التشغيل عطلان من شهر ونص حسب كلام التجار ومحدش فكر  من المسؤولين يشوف ايه الحكايه الأغرب بقي أن المالية والنقل بتنفي تعطل السيستم وده لغز تاني .. أومال إيه اللي بيحصل..

اخر تطورات سوق السيارات هو اللي قاله علاء السبع عضو شعبة السيارات باتحاد الغرف التجارية، واللي اكد إن فيه اكتر من 10 ألاف سيارة محجوزة بالخارج، نتيجة تعطل السيستم المسؤول عن استيراد السيارات، بخلاف اللي موجودة في المواني وقال إن بعض السيارات لم يتم شحنها والبعض التاني متواجد في مصر ولكنه موقوف أو محجوز..

و السيستم المسؤول تسبب في تعطيل السيارات وتوقفها منذ شهر ونصف وإن توقف السيستم مسؤولية وزارتي المالية والتجارة والصناعة حسب كلام مسؤول شعبة السيارات على الهواء مباشره اللي أحد كمان إن وزارات التجارة والصناعة والمالية بينفوا وجود أي مشكلة في السيستم المسؤول عن استيراد السلع رغم أنه متوقف من شهر ونص بدليل مفيش عربية دخلت البلد من ساعة تاريخه وقال الراجل أن من شهر ونص حصل شلل في سوق السيارات وإن الدنيا مكركبة وطالب بسرعة تشغيل السيستم المسؤول عن استيراد السلع والسيارات. 

طبعا اللي بيحصل ده واللي قاله مسؤول عن شعبة السيارات على الهواء مباشره بيعتبر لغز ومهزلة هتدمر سوق لسه بيتعافي واتسبب في عودة ارتفاع الأسعار من تاني والاوفر برايس والأغرب إن الحكومة نفت تعطل السيستم في وقت ما فسرت ليه السيارات المحجوزة مدخلتش السوق وده شيء اول مرة يحصل في تاريخ السوق ومحتاج رد وتدخل حكومي فورا زي ما قال السبع واللي السوق هيخرج على السيطرة.