تفاصيل الحدث الأخطر جاي في الطريق

 
 
هو إيه الحدث المهم اللي مصر مستنياه والكل بيتكلم عنه الساعات اللي فاتت وهل ليه علاقه بأزمة الكهربا أو تشكيل الحكومة الجديدة... تعالوا نشوف التفاصيل في التقرير التالي   
 
في الساعات الأخيرة مواقع التواصل الاجتماعي والسوشيال ميديا بتتكلم وتعلق وتحلل على بوست لبرلماني شهير قال فيها إن فيه حدث طال انتظاره هيحصل خلال الساعات الجاية وإن فيه حدث تاني مهم جدا هيحصل يوم الاربعاء ومقالش اي تفاصيل وبعدها الناس دخلت تجتهد وكل واحد يقول توقعاته واللي أغلبها دار حولين حل أزمة الكهربا أو إعلان تشكيل الحكومة الجديدة ومعاه قرارات قوية تخفف عن الناس همومها وازماتها وخاصة زيادة ساعات قطع الكهربا على مستوى الجمهورية بسبب الحر الشديد واللي الناس عايشة في جحيم بسببه.
طيب هو ايه اللي هيحصل بجد؟
لغاية دلوقتى مفيش جواب شافي عن اللي هيحصل بالظبط لكن الأكيد منه أن التشكيل الوزراي هيكون واحد من الحدثين لأنه زي ما قلنا امبارح في بانكير إن الحكومة الجديدة ياجماعه مش هينفع تتأخر اكتر من كده وهيام الإعلان عنها قبل احتفالات وإجازة ثورة 30 يونيو وقلنا عشان ده تاريخ فاصل ووقت مناسب يحصل فيه تغيير لمرحلة جديدة الناس تحس فيها بالأمل موجود وإن اللي جاي افضل بكتير وكمان لأن الناس تعبت من الوزرا الحاليين سواء من وزير الكهربا أو البترول وقبلهم وزير للتموين بسبب ضعف الأداء وفشلهم في السيطرة على الأزمات أو على الأقل تخفيفها على الناس وكان لازم الدكتور مدبولي يتحرك بسرعة اكتر في ملف تشكيل الحكومة وإعلانها للناس .
طيب ايه الحدث التاني اللي مصر مستنياه..
زي ماقلنا لحضرتك كلها اجتهادات لكن المعلومات اللي عند بانكير بتقول إنه حدث اقتصادي من الدرجة الأولى وفيه هيتم الاعلان عن صفقات ضخمة هتقلب موازين الاقتصاد والعملات وإن الحدث هيكون بداية لانفراجة جديدة في حالة الغلاء والأزمات الكبيرة ولكن فريق تاني قال إن الحدث ليه علاقة بانتهاء أزمة تخفيف الأحمال لأنها المشكلة الأساسية اللي في الدولة حاليا والشعب بيعاني منها بشكل خطير بسبب معاناة كبار السن والمرضى. وطلاب الثانويه العامه بسبب طول فترة الانقطاع.
بصرف النظر عن الحدثين المهمين اللي هيحصلوا بس واضح كده إن الحكومة أو الدولة بتتحرك بأقصى سرعة عشان تنهي الأزمات ورغم أنها أزمات وقتية وخارج السيطرة لكن المواطن من حقه يحصل على الخدمة الاساسية في أصعب الظروف ورغم أن أزمة الحر الشديد عالمية السنة دي بسبب التغير المناخي ورغم دول كتير لجأت لتخفيف الأحمال للحفاظ على محطات الكهرباء من التلف لكن تفضل الأزمة صعبة في مصر زي ما قلنا علشان جاية في امتحانات الثانويه العامه وده حدث مهم جدا في البيوت المصرية واللي بتعيش فيه على أعصابها لانه بيحدد مستقبل ولادهم.
عامة كلها ساعات ونعرف ايه اللي بيدور وايه اللي هيحصل في الفترة الجاية وازاي الحكومة هتحل أزمة تخفيف الأحمال الفترة الجاية وإذا كان فيه مفاجآت سارة اكيد هنعرفها لكن الأكيد أن الوضع مش هيسوء اكتر من اللي موجود وإن اللي جاي هو زمن الحلول مش الأزمات وده لأن الناس جابت آخرها مع الحكومة رغم زي ماقلنا أغلبها أزمات مستوردة ومن الطبيعة وخارج الإرادة.