إزاي تحول فلوس من انستاباي لفيزا المشتريات وتدفع الفواتير
![إنستاباي]( /UploadCache/libfiles/5/6/600x338o/75.jpg)
إزاي تحول فلوس من انستاباي لفيزا المشتريات وازاي ادفع فواتير المياه والغاز والكهربا وايه اهم الخدمات اللي بيقدمها تطبيق انستاباي وهل فعلاً فيه رسوم على التطبيق.. كل الأسئلة دي هنجاوب عليها في التقرير ده خليكم معانا للآخر
تطبيق انستاباي من اكتر التطبيقات الناجحة اللي أطلقها البنك المركزي المصري للتحويلات الفورية وسداد الفواتير و المدفوعات وبيمتاز بسهولة الاستخدام والأمان التام وفي الفيديو ده هنقولك شوية معلومات جديدة عن انستاباي جايز مكنتش تعرفها قبل كده.
أول حاجة ازاي تحول فلوس من انستاباي لفيزا المشتريات ودي سؤال بيتكرر كتير والناس بعتت تسأل والموضوع سها جدا ومش بياخد أقل من دقيقة وفي 6 خطوات بس اول حاجة هتعملها هي انك تضغط على "إرسال نقود“ وبعدها اضغط على بطاقة إليكترونيةوالخطوة التالتة هتدخل البيانات المطلوبة (رقم البطاقة واسم صاحب لبطاقة ومبلغ التحويل) ثم الضغط على "التالي" وبعدها هتراجع بيانات التحويل ودي خطوة مهمة جداً عشان ماتبعتش فلوس بالغلط وبعدها هتدخل الرقم السري IPN PIN المكون من 6 أرقام واضغط على "إدخال“.. واخر خطوة هتجيلك رسالة تم التحويل بنجاح ويبقي كده الفلوس اتحولت للفيزا وتقدر تشتري بيها.
طيب إزاي تدفع فواتير الخدمات زي الكهربا والغاز والمياه من انستاباي؟
.. طبعا التطبيق بيوفر الخدمة دي وهي خدمة مهمة جدا لأنها وفرت الوقت والجهد والوقوف في الطوابير والزحمة ودلوقتي ناس كتير بتعتمد على التطبيق في دفع الفواتير في خطوات بسيطة جدا أولها تسجيل الدخول على حسابك عبر تطبيق انستا باي لدفع قيمة فاتورة المياه مثلا وبعدها هتختار
أيقونة دفع الفواتير من الأيقونات الظاهرة أمامك داخل التطبيق وبعد كده هتدوس على عبارة دفع فاتورة المياه وكتابة البيانات الخاصة بعداد المياه.
والخطوة التالية هتراجع البيانات اللي دخلتها تجنباً لأي خطأ وبعدها هتدخل الرقم السري الخاص بالحساب البنكي والمكون من 6 أرقام من اليسار إلى اليمين وتضغط بعدها على إدخال؛ ليتم دفع فاتورة المياه من خلال انستا باي بنجاح.
طيب ايه تبرز الخدمات اللي ممكن تعملها من انستاباي؟
تطبيق انستاباي بيقدم خدمات كتيرة للعملاء، وعشان كده عدد المستخدمين للتطبيق بيزيد كل اليوم ومن الخدمات دي السحب عبر الـ ATM وعبر نقاط البيع الإلكترونية للتجار، مثل فوري وتطبيقات الهواتف المحمولة وتطبيقات التحويلات المالية وإرسال النقود إلى حساب بنكي أو محفظة إلكترونية،
وكمان زي ما قلنا تقدر تدفع فواتير الاتصالات الإنترنت والكهرباء والمياه والغاز من التطبيق ودفع تبرعات لمؤسسات وجمعيات خيرية ومستشفيات وأخيرا انستاباي بيتيح دفع أقساط شركات التمويل الاستهلاكي، ويضم حاليا 5 شراكات هي: ڤاليو - سهولة - بريميوم كارد - شهري – سيمبل.
هو صحيح فيه رسوم على خدمة انستاباي لعملاء البنوك ؟
شوف حضرتك حصل كلام كتير عن فرض رسوم على خدمة انستاباي مع بداية 2024 لكن البنك المركزي حسم الأمر من خلال الإعلان عن استمرار الخدمة بشكل مجاني اعتبارا من يناير اللي فات يعني التطبيق لسه مجاني.