قروض بالملايين اشتري عربية وريح نفسك من زحمة المواصلات مع البنك الأهلي وبنك مصر

العربيات في وقتنا الحالي تحولت من رفاهية لحاجة اساسية في كل بيت، لكن ظروف الحياة فرضت علي كل واحد فينا انه يلغي اغلب رفهياته ويادوب يعرف يكمل الاساسيات، لكن انا دلوقتي هقولك علي طريقة تحقق بيها حلمك وتشتري عربية بدون اي معاناة أو مشاكل او ضغوطات في الحياة لو عايز تعرف كل ده اقرا التقرير  ده للآخر.

طبعا كلنا بنحلم ان نحول حياتنا لحياة كلها رفاهية، علشان نعيش مبسوطين، لكن زي ما بيقولوا في الامثال العين بصيرة والايد قصيرة، وطبعا مش كل اللي هعوزه هنقدر نجيبه، علشان ظروف الحياة الصعبة فرضت علي كل واحد فينا حياة وطريق لازم يعيش علي قده.
مع الايام وتغير الظروف ومشغوليات الحياة الكتيرة الصعبة، العربية اتحولت لعصب كل بيت وحاليا البيت اللي فيه عربية سهلت علي صحابه حاجات ومشاوير كتيرة، ولكن الظروف الاقتصادية اللي اغلبنا بيمر بيها خلت فكرة شراء العربية صعبة جدا ان كانت مش مستحلية خصوصا بعد الاسعار الرهيبة اللي وصلت لها في مصر .
في الفترة الاخيرة البنك الأهلي اعلن عن تقديم قروض للعملاء بقيمة بتوصل لـ 6مليون جينه لشراء العربيات خصوصا بعد الزيادات الكبيرة اللي وصلت لها اسعار العربيات.

طيب اية هيا شروط حصول العملاء علي قرض السيارة من البنك الأهلي وبنك مصر؟.
البنك الأهلي وبنك مصر أعلنوا عن طرح قروض بارقام كبيرة للعملاء من الموظفين في القطاع العام والجهاز الإداري في الدولة العاملين في القطاع الخاص، وأصحاب المهن والأعمال الحرة زي الأطباء والمحامين والمهندسين وأصحاب المحال التجارية.
البنك الأهلي وبنك مصر اعلنوا عن حدود قروض العربيات للعملاء وحددوا الحد الأقصى للدخل الشهري للعميل علي حسب قدرته على سداد القسط الشهري ولو عليه قروض تانية في البنوك ونوع وظيفته .
البنك الأهلي وبنك مصر حصوا شوية شروط واوراق علشان العملاء يقدروا يحصلوا علي القروض علشان يتاكدوا منه ومقدرته علي سداد القرض زي من جهة العمل بإجمالي الدخل الشهري، وعرض بسعر العربية من معرض معتمد، وإيصال خدمات حديث لمحل إقامته زي إيصال الكهرباء أو الغاز أو المياة.
البنك الأهلي أعلن عن تقديم قروض بتوصل قيمتها لـ 1.5 مليون جنيه، بفترة سداد بتوصل لـ 7 سنين وسعر الفائدة بيبدأ من 22% سنويا على أساس متناقص وبيرتفع علي حسب نوع وظيفة كل عميل، وكمان البنك حدد مصروفات إدارية بتوصل لـ 1.5% أو 2% من إجمالي قيمة القرض مرة واحدة حسب مدة القرض، ويكون سن العميل يببدأ من 21 سنة لحد 65 سنة والدخل الشهري يكون بيبدأ من 1500 جنيه كحد أدنى.
ومن البنك الأهلي بنروح لبنك مصر واللي اعلن عن تقديم قروض شراء العربيات واللي بتوصل لـ 6 مليون جنيه وفترة السداد بتوصل لـ10 سنين، وسعر فايدة بيبدأ من 22% سنويا على أساس متناقص وبيرتفع حسب نوع وظيفة كل عميل وبمصروفات ادارية 2% بتتخصم مرة واحدة من إجمالي قيمة القرض، واشترط أن يكون سن العميل بيبدأ من 21 سنة وميزدتش عن 65 سنة .